LIVE

JP Morgan - ნავთობის გლობალურმა ფასმა შესაძლოა ბარელზე $380 მიაღწიოს

02 ივლ 202211:40
3 წუთის საკითხავი
clock clock 214
JP Morgan - ნავთობის გლობალურმა ფასმა შესაძლოა ბარელზე $380 მიაღწიოს
montage/Bloomberg

JPMorgan-ის ანალიტიკოსების შეფასებით, ნავთობის გლობალურმა ფასმა შესაძლოა ბარელზე $380 მიაღწიოს. შეერთებული შტატებისა და ევროპის სადამსჯელო ზომებმა შესაძლოა აიძულოს რუსეთი, საპასუხო ზომების სახით ნედლი ნავთობის წარმოება შეამციროს. 

G7-ის ქვეყნები ამუშავებენ რთულ მექანიზმს რუსული ნავთობის ფასის გასაკონტროლებლად, რათა უკრაინაში ვლადიმერ პუტინის ომის მანქანაზე ზეწოლა გამკაცრდეს.

მოსკოვის ძლიერი ფისკალური პოზიციის გათვალისწინებით, ქვეყანას შეუძლია 5 მილიონი ბარელით შეამციროს ნავთობის ყოველდღიური წარმოება ეკონომიკისთვის ზედმეტი ზიანის მიყენების გარეშე, წერენ JPMorgan-ის ანალიტიკოსები.

თუმცა, შედეგები შეიძლება დამღუპველი იყოს დანარჩენი მსოფლიოს უმეტესი ნაწილისთვის. ანალიტიკოსები წერენ, რომ 3 მილიონი ბარელით დღიური მარაგების შემცირება ნედლი ნავთობის საორიენტაციო ფასებს $190-მდე გაზრდის, ხოლო ყველაზე უარესი სცენარი ასახავს წარმოების 5 მილიონი ბარელით შემცირებას და ფასის $380-მდე ზრდას.

“ყველაზე აშკარა და სავარაუდო რისკი ფასების განსაზღვრასთან დაკავშირებით არის ის, რომ რუსეთმა შესაძლოა საპასუხო მოქმედებები განახორციელოს ექსპორტის შემცირებით. სავარაუდოა, რომ მთავრობას შეუძლია საპასუხო რეაგირება მოახდინოს წარმოების შემცირებით, რაც დასავლეთისთვის ტკივილის მიყენების გზაა”, - წერენ ანალიტიკოსები. 

G7 განიხილავს ფასების ზღვრის დაწესებას, რათა არ მისცეს რუსეთს ენერგორესურსების ფასის ზრდით სარგებლობის საშუალება, რაც უკრაინაში ომმა გამოიწვია.

Bloomberg-ის ორიგინალური სტატიის ავტორი: ჯო კეროლი