LIVE

რუსი მომხმარებლები გადახდის სერვისის გათიშვის შემდეგ Apple-ს უჩივიან

30 აპრ 202215:56
3 წუთის საკითხავი
clock clock 186
რუსი მომხმარებლები გადახდის სერვისის გათიშვის შემდეგ Apple-ს უჩივიან
REUTERS/Mike Segar/File Photo

რუსულმა იურიდიულმა კომპანიამ ამერიკული ტექნოლოგიური გიგანტის, Apple-ის წინააღმდეგ სარჩელი შეიტანა და მოითხოვს 90 მილიონი რუბლის ($1,28 მილიონი) ზარალის ანაზღაურებას მომხმარებლებისთვის, რომლებიც Apple-ის მიერ გადახდის სერვისის  გათიშვით დაზარალდნენ.

იურიდიულ კომპანიას ასევე სურს, Apple-მა განაახლოს Apple Pay-ს სერვისები რუსი მომხმარებლებისთვის. სარჩელი მოსკოვის სასამართლოშია შეტანილი.

კომპანია Chernyshov, Lukoyanov & Partners-მა განაცხადა, რომ Apple-მა დაარღვია რუსი მომხმარებლების უფლებები მას შემდეგ, რაც კომპანიამ 1-ელ მარტს შეზღუდა Apple Pay-ის სერვისებზე წვდომა მოსკოვის მიერ უკრაინაში ჯარების შესვლის საპასუხოდ.

იურიდიული ფირმამ განაცხადა, რომ Apple-ის გადაწყვეტილებამ შეზღუდა ადგილობრივ ბაზარზე გაყიდული მოწყობილობების ფუნქციონირება, რითაც შეამცირა მათი ღირებულება. ამ ქმედებას რუსი იურისტები უსამართლოსა და დისკრიმინაციულს უწოდებენ.

ამავე იურიდიულს კომპანიას მსგავსი სარჩელი აქვს შეტანილი Netflix-ის წინააღმდეგ, რომელმაც რუსეთში მომსახურება მარტში შეაჩერა.