LIVE

ჩინეთის ტექნოლოგიურმა გიგანტებმა 2021 წელს $80 მილიარდი დაკარგეს

02 იან 202212:12
3 წუთის საკითხავი
clock clock 681
ჩინეთის ტექნოლოგიურმა გიგანტებმა 2021 წელს $80 მილიარდი დაკარგეს
Bloomberg

2021 რეკორდული წელი იყო ჩინეთის ინტერნეტ გიგანტებისთვის, მაგრამ არა ისე, როგორც უმეტესობა იმედოვნებდა.

Bloomberg Billionaires Index-ის მიხედვით, ქვეყნის ათმა უმდიდრესმა ტექ. მაგნატმა ჯამში $80 მილიარდის წმინდა ქონება დაკარგა. მარეგულირებლების მხრიდან გაზრდილი ზეწოლის ფონზე, დანაკარგი ტექ. მაგნატების მთლიანი სიმდიდრის თითქმის მეოთხედს წარმოადგენს და ყველაზე დიდი ერთწლიანი კლებაა 2012 წლის შემდეგ.

Pinduoduo-ს დამფუძნებელმა კოლინ ჰუანგმა წელს ყველაზე მეტი, $42,9 მილიარდი დაკარგა, ანუ მისი ქონების ორი მესამედი. ელექტრონული კომერციის პლატფორმის აქციების ფასი გასულ წელს თითქმის 70%-ით შემცირდა. Alibaba-ს დამფუძნებლის ჯეკ მას ქონება კი, მას შემდეგ, რაც ხელისუფლებამ მისი ფართო ბიზნეს იმპერია გაანადგურა, დაახლოებით $13 მილიარდით შემცირდა.

Ant Group-ის თავდაპირველი საჯარო შეთავაზების შეჩერების შემდეგ ანტიმონოპოლიური კონტროლი ჩინეთის მარეგულირებლების მხრიდან სულ უფრო გახშირდა.

ტექნოლოგიური კომპანიების, მათ შორის Alibaba-ს, Tencent-ის, Meituan-ისა და Pinduoduo-ს ერთ დროს მაღალი საბაზრო ღირებულება მონოპოლიური პრაქტიკების, გარიგებების დამალვის და სხვა მიზეზებით გამოწვეული ჯარიმების გამო მნიშვნელოვნად შემცირდა.

Bloomberg-ის ორიგინალური სტატიის ავტორი: ვენუს ფენგი