LIVE

ჩინეთმა Amazon-ს სი ძინპინის წიგნის შეფასებების წაშლა მოსთხოვა - Reuters

20 დეკ 202112:50
3 წუთის საკითხავი
clock clock 618
ჩინეთმა Amazon-ს სი ძინპინის წიგნის შეფასებების წაშლა მოსთხოვა - Reuters
Andrea Verdelli/Getty Images

Amazon.com-მა ჩინეთის მთავრობის კეთილგანწყობის მოსაპოვებლად პრეზიდენტ სი ძინპინის წიგნზე კრიტიკული კომენტარები გათიშა. ამის შესახებ ინფორმაციას Reuters-ი ავრცელებს. 

სტატიაში ნათქვამია, რომ Amazon.cn-მა პრეზიდენტის წიგნზე სახელწოდებით „ჩინეთის მმართველობა“ კომენტარები და მიმოხილვები დაახლოებით ორი წლის წინ, პეკინის განკარგულების საპასუხოდ გამორთო. სის წიგნის მიმოხილვები დაბლოკილია Amazon-ის მხოლოდ ჩინურ ვებსაიტზე.

ამ გადაწყვეტილებით ელექტრონული კომერციის გიგანტი მსოფლიოს ყველაზე ხალხმრავალ ქვეყანაში ბიზნესის შენარჩუნებას შეეცადა.

Reuters-ის მიერ მოყვანილი დოკუმენტის მიხედვით, 2018 წლისთვის კომპანია ჩინელი დამკვირვებლებისგან გარკვეული შინაარსის (ძირითადად, პოლიტიკურად მგრძნობიარე) წაშლის შესახებ შესახებ შეტყობინებებს ხშირად იღებდა. 

Amazon-ის სპიკერმა Bloomberg News-ს განუცხადა, რომ კომპანია იღებს ყველა მოქმედ კანონს და რეგულაციას, სადაც ოპერირებს და ამ მხრივ, ჩინეთი გამონაკლისი არ არის.

ანალიტიკოსებს ეს შემთხვევა ახსენებს Apple-ისა და ჩინეთის ურთიერთობას, რადგან მიიჩნევენ, რომ ბოლო წლებში კომპანია სულ უფრო მეტად ემორჩილება პეკინს.

2019 წელს Apple-მა დააკმაყოფილა მომხმარებლის მოწყობილობის შესახებ ჩინეთის მთავრობის მოთხოვნების 97%, რაც მნიშვნელოვნად აღემატება 2014 წლის 65%-ს.

ჩინეთის ბაზარი გასულ წელს არაერთმა მსხვილმა კომპანიამ, მათ შორის, Yahoo! და Microsoft-ის LinkedIn-მა დატოვეს. ამის მიზეზად მათ ქვეყანაში არსებული მძიმე ბიზნეს და სამართლებრივი გარემოს დაასახელეს. 

Bloomberg-ის ორიგინალური სტატიის ავტორი: ვლად სავოვი