მებაჟე ოფიცრებმა საბაჟო გამშვებ პუნქტში „სარფი“, ეჭვის საფუძველზე, საქართველოს მოქალაქის ფიზიკური, (სხეულის რენტგენო ინსპექტირების მოწყობილობით) დათვალიერების შედეგად, დიდი ოდენობით არადეკლარირებული ოქროს საიუველირო ნაკეთობები აღმოაჩინეს.
შემოსავლების სამსახურის ინფორმაციით, არადეკლარირებული საქონლის ჯამური მოცულობა 610 გრამია, საბაჟო ღირებულება კი - 67 447.12 ლარი.
საქმის მასალები, შემდგომი რეაგირების მიზნით, ფინანსთა სამინისტროს საგამოძიებო სამსახურს გადაეცა.