უკრაინის უმსხვილესმა კერძო ენერგეტიკულმა კომპანია DTEK-მა საომარ მდგომარეობაში მყოფ ქვეყანაში 500 მგვტ-იანი ქარის ელექტროსადგური ოფიციალურად გახსნა. ტილიგულის ქარის ელექტროსადგური ფრონტის ხაზიდან 100 კმ-ში მდებარეობს.
კომპანიამ სადგურის პირველი ფაზის დასრულება აღნიშნა. I ფაზა 19 ტურბინას მოიცავს და მასში 200 მილიონი ევროს ინვესტიცია ჩაიდო. ამ ეტაპზე სადგურს 114 მგვტ-ს გამომუშავება შეუძლია.
II ფაზის მშენებლობის დასრულების შემდეგ, სადგურს 64 ტურბინა დაემატება და გამომუშავება 384 მგვტ-ით გაიზრდება. პროექტი ჯამში 450 მილიონი ევრო დაჯდება.
DTEK-მა სადგურის მშენებლობა 2021 წელს დაიწყო.
ენერგეტიკულ ინფრასტრუქტურაზე რუსეთის თავდასხმებმა უკრაინას დიდი ზიანი მიაყენა და ზამთარში მილიონობით ადამიანი ელექტროენერგიისა და გათბობის გარეშე დატოვა. უკრაინა ცდილობს, რომ ზამთრამდე სექტორი აღადგინოს და გააძლიეროს.