ბათუმში 2023 წლის აპრილში ახალაშენებული ბინების საშუალო შეწონილი ფასი წლიურად 19%-ით გაიზარდა და კვ.მ-ზე 908 აშშ დოლარი შეადგინა. ამის შესახებ ინფორმაციას Colliers Georgia ავრცელებს.
განახლებული მონაცემებით, ძველი ბინების შემთხვევაში ფასი მხოლოდ 1%-ით, 690 აშშ დოლარამდე გაიზარდა.
ახალაშენებული ბინების ტრანზაქციების რაოდენობა 18%-ით შემცირდა, ძველი ბინების შემთხვევაში კი 32%-იანი კლება დაფიქსირდა. უფრო დეტალურად, აპრილში მოთხოვნა ახალაშენებულ პრემიუმ სეგმენტის ბინებზე 42%-ით გაიზარდა, ეკონომ და მედიუმ სეგმენტებში კი ტრანზაქციების რაოდენობის 28% და 27%-იანი კლება დაფიქსირდა.
2023 წლის აპრილში ბათუმში საცხოვრებელი ბინების ტრანზაქციების რაოდენობა გასული წლის აპრილთან შედარებით 20%-ით შემცირდა და სულ 1 133 ბინა გაიყიდა. ბაზრის ზომა კი 15%-ით 50 მილიონ აშშ დოლარამდეა შემცირებული.
რაც შეეხება თბილისს, აპრილში თბილისში საცხოვრებელ ბინებზე მოთხოვნა შემცირდა, თუმცა გასაყიდი ფასი კვლავ იზრდება.