LIVE

ილონ მასკმა პლანეტის უმდიდრესი ადამიანის სტატუსი დაიბრუნა

28 თებ 202310:40
3 წუთის საკითხავი
clock clock 375
ილონ მასკმა პლანეტის უმდიდრესი ადამიანის სტატუსი დაიბრუნა

ილონ მასკმა პლანეტის უმდიდრესი ადამიანის სტატუსი დაიბრუნა. Bloomberg Billionaires Index-ის თანახმად, მისი ქონება ახლა $187.1 მილიარდს შეადგენს და სიის პირველ ადგილს იკავებს. 

Tesla-ს აქციების მკვეთრი ვარდნის შემდეგ, მან ეს ადგილი დეკემბერში დაკარგა. მასკს LVMH-ის აღმასრულებელმა დირექტორმა, ფრანგმა ბერნარ არნომ გაუსწრო. ამჟამად არნოს ქონება $185 მილიარდს შეადგენს. 

მიმდინარე წელს Tesla-ს აქციებმა ზრდა განაგრძო. გუშინ ნიუ-იორკში 16:00 საათისთვის კომპანიის ერთი აქციის ფასი 5.5%-ით გაიზარდა და $207.63-ს მიაღწია.  

გასულ წელს ილონ მასკი გახდა პირველი ადამიანი, რომელმაც $200 მილიარდი დაკარგა. 2022 წლის 3 იანვარს მისი ქონება $304 მილიარდს შეადგენდა. 

პლანეტის უმდიდრესი ადამიანების სიაში ბერნარ არნოს მოსდევს ჯეფ ბეზოსი, რომლის ქონება $117 მილიარდადაა შეფასებული. მე-4 ადგილს $114 მილიარდით ბილ გეიტსი იკავებს. მე-5 ყველაზე მდიდარი ადამიანი კი უორენ ბაფეტია, რომელიც $106-მილიარდიან ქონებას ფლობს.