LIVE

თურქული ბანკები მსოფლიოში ყველაზე იაფ სესხს გასცემენ

27 ნოე 202218:50
3 წუთის საკითხავი
clock clock 596
თურქული ბანკები მსოფლიოში ყველაზე იაფ სესხს გასცემენ

თურქული ბანკები მსოფლიოში ყველაზე იაფ სესხს გასცემენ, მაგრამ ეს მხოლოდ გარკვეულ მომხმარებლებს ეხებათ.

ამ ნაბიჯით, პოლიტიკოსებს სურთ, მომავალი წლის არჩევნებამდე შესაძლო მონეტარული კრიზისი თავიდან აირიდონ და ეკონომიკური ზრდა შეინარჩუნონ. 

კომერციულ გამსესხებლებს უწევთ, უპირატესობა მიანიჭონ ექსპორტიორებსა და მცირე ბიზნესს, რასაც სამუშაო ბაზრის დაახლოებით სამი-მეოთხედი უკავია. ბანკებს შეუძლიათ „რჩეულ“ კლიენტებს იაფი სესხი დაუმტკიცონ ან სხვებს სესხი უფრო მაღალ ფასად მისცენ. ეს უკანასკნელი კი მათ მიერ დიდი მოცულობის სამთავრობო ვალის გამოსყიდვას გულისხმობს, რაც არც თუ ისე მომგებიანი არჩევანია.

საკითხში გარკვეული პირების ინფორმაციით, ცენტრალურმა ბანკმა კომერციული ბანკების აღმასრულებლებს აცნობა, რომ არჩევნებამდე პოლიტიკის ცვლილების იმედი არ უნდა ჰქონდეთ.

სტამბოლში მცხოვრები ეკონომისტის, ჰალუქ ბარუმჩეკის თქმით, აღნიშნული ზომები უარყოფითად აისახება საბანკო სისტემაზე და სესხების სიმცირემ, შესაძლოა ეკონომიკური ზრდა შეამციროს.