LIVE
ვიდეო
25 იან, 2024 11:33
2023 წელს საქართველოში წარმოებული ღვინის 65% რუსეთში გაიყიდა - საქსტატი
384

2023 წელს საქართველოდან ღვინის ექსპორტი წლიურად 2.6%-ით გაიზარდა. საქსტატის მონაცემებით, ექსპორტზე 259 მლნ 39 ათასი აშშ დოლარის ყურძნის ნატურალური ღვინო გავიდა, რაც მთლიანი ექსპორტის 4.3%-ია. 

აღსანიშნავია, რომ საქართველოში წარმოებული ღვინის ძირითადი სარეალიზაციო ბაზარი კვლავ რუსეთია და სწორედ მასზე მოდის გაყიდული ღვინის 65%. 

საქსტატის მონაცემებით, საქართველოდან რუსეთში ექსპორტირებულ უმსხვილეს სასაქონლო ჯგუფში ღვინო ლიდერობს. გასულ წელს ექსპორტის მოცულობამ 62 მლნ 283 ათასი ტონა შეადგინა, ღირებულებამ კი - 168 მლნ 304 ათას აშშ დოლარს გადააჭარბა. ერთ წელში რუსეთში ღვინის ექსპორტი 7.5 მლნ აშშ დოლარითაა გაზრდილი. 

2023 წელს ქართული ღვინის 5 ძირითადი საექსპორტო ბაზარი ასე გადანაწილდა: 

  • რუსეთი - $168.3 მლნ;
  • პოლონეთი - $15 მლნ;
  • უკრაინა - $14.5 მლნ;
  • ჩინეთი - $11.7 მლნ;
  • ყაზახეთი - $9 მლნ. 

შეგახსენებთ, 2023 წელს, $2.4-მილიარდიანი სავაჭრო ბრუნვით, რუსეთი საქართველოს მეორე უმსხვილესი სავაჭრო პარტნიორი იყო.

მეტის ჩვენება
ასევე ნახეთ