LIVE

უკრაინა დასავლურ ბანკებს რუსეთის ნავთობმოვაჭრეებთან კავშირის შეწყვეტისკენ მოუწოდებს

16 ივლ 202214:20
3 წუთის საკითხავი
clock clock 318
უკრაინა დასავლურ ბანკებს რუსეთის ნავთობმოვაჭრეებთან კავშირის შეწყვეტისკენ მოუწოდებს

უკრაინა შეერთებული შტატებისა და ევროპის ბანკებს რუსული ნავთობით მოვაჭრეებთან კავშირის შეწყვეტისკენ მოუწოდებს. ინფორმაციას Financial Times-ი ავრცელებს.

გამოცემის ცნობით, უკრაინის პრეზიდენტის ეკონომიკურმა მრჩეველმა ოლეგ უსტენკომ წერილობით მიმართა ბანკებს, მათ შორის ჯეიმი დიმონს JPMorgan-იდან და ნოელ ქუინს HSBC-დან, შეეწყვიტათ იმ კომპანიების დაფინანსება, რომლებიც რუსული ნავთობით ვაჭრობენ და ყიდიან წილებს სახელმწიფოს მიერ მხარდაჭერილ კომპანიებში, Gazprom-სა და Rosneft-ში. წერილები ასევე გაეგზავნა Citigroup-სა და Crédit Agricole-ს.

უკრაინა ბანკებს ნავთობის მწარმოებლების დაკრედიტებით ომის “გახანგრძლივებაში” ადანაშაულებს. Financial Times-ის ინფორმაციით, უკრაინამ ბანკებს განუცხადა, რომ მათ აეკრძალებოდათ უკრაინის ომის შემდგომ რეკონსტრუქციაში მონაწილეობა.

Bloomberg-ის ორიგინალური სტატია