LIVE

დანია მოქალაქეებს მოუწოდებს ენერგიის დასაზოგად ხანმოკლე შხაპი მიიღონ

03 ივლ 202211:00
3 წუთის საკითხავი
clock clock 199
დანია მოქალაქეებს მოუწოდებს ენერგიის დასაზოგად ხანმოკლე შხაპი მიიღონ

დანია ენერგეტიკული კრიზისის ფონზე მოქალაქეებს მოუწოდებს უფრო ხანმოკლე შხაპი მიიღონ და ტანსაცმელი გარეთ გააშრონ. ნაბიჯი ელექტროენერგიისა და ბუნებრივი აირის დასაზოგად მიღებული ზომების ნაწილია.

როგორც ჩანს, რეგიონში გაზის გაზრდილი ფასები, რომელიც ჩვეულებრივ დონეზე ოთხჯერ მაღალია, კლებისკენ მალე არ წავა. ამის შესახებ განცხადება დანიის ენერგეტიკის სააგენტოს დირექტორმა კრისტოფერ ბოტცავმა გააკეთა.

მარეგულირებელი შინამეურნეობებს, რომლებზეც გაზის მოხმარების 29% მოდის, საგანგებო ზომების მიღებისკენ მოუწოდებს. რჩევა $3.6 მილიონიანი სარეკლამო კამპანიის ნაწილია, რომელიც ხალხს ასევე სთხოვს დენის კაბელები გამოაერთონ, სანამ ყოველწლიური საზაფხულო არდადეგები დაიწყება.

დანია იმ ქვეყნებს შორისაა, რომელსაც რუსეთმა გაზის მიწოდება შეუწყვიტა. ეს მას შემდეგ, რაც სახელმწიფოს მიერ კონტროლირებულმა Orsted-მა საწვავისთვის რუბლში გადახდაზე უარი განაცხადა. ქვეყანა ოქტომბერში მარაგის გაზრდას ნორვეგიიდან, ახალი Baltic Pipe-ის მეშვეობით გეგმავს.

გერმანიამ, რომელიც ევროპაში ყველაზე მეტ ენერგიას მოიხმარს, ასევე მოუწოდა მოსახლეობას ენერგიის დასაზოგად მიიღონ ისეთი ზომები, როგორიცაა საყინულეებში ყინულის ხშირად გალღობა, შხაპის თავების ხშირი გამოცვლა და ოფისებში LED განათებებზე გადასვლა

Bloomberg-ის ორიგინალური სტატიის ავტორი: ლარს პოლსონი