LIVE

Squid Game-ის რეალითი შოუ $4,56 მილიონიანი პრიზით - Netflix-ის ახალი იდეა

15 ივნ 202212:20
3 წუთის საკითხავი
clock clock 285
Squid Game-ის რეალითი შოუ $4,56 მილიონიანი პრიზით - Netflix-ის ახალი იდეა
NETFLIX

Netflix იწყებს მონაწილეთა შერჩევას რეალითი შოუსთვის, რომელიც შთაგონებულია ყველა დროის ყველაზე პოპულარული სერიალით, The Squid Game-ით. გამარჯვებული $4.56 მილიონს მიიღებს.

თუმცა, სასწორზე არც სიცოცხლეა და არც სიკვდილი, როგორც ეს სამხრეთ კორეულ დისტოპიურ დრამაშია ასახული. 456 ახალწვეული მთელი მსოფლიოდან ითამაშებს თამაშებს, რომლებშიც “ყველაზე ცუდი შედეგი სახლში ხელცარიელი დაბრუნებაა”.

Netflix-მა ასევე დაადასტურა, რომ პოპულარული სერიალის მეორე სეზონი მიმდინარე კვირის დასაწყისში გამოვა.

შოუს მონაწილეები უნდა იყვნენ სულ მცირე 21 წლის, იცოდნენ ინგლისური და ხელმისაწვდომი იყვნენ გადაღებებისთვის 4 კვირამდე ვადით 2023 წლის დასაწყისში.

სამხრეთ კორეის თრილერი მოგვითხრობს ვალებში ჩაფლულ ადამიანებზე, რომლებიც იბრძვიან უზარმაზარი ფულადი პრიზისთვის საბავშვო თამაშების სასიკვდილო სერიაში.

ეს არის Netflix-ის ყველა დროის ყველაზე ყურებადი სერიალი, 111 მილიონი მაყურებლით დაწყებიდან პირველი 28 დღის განმავლობაში.

“12 წელი დასჭირდა Squid Game-ის პირველი სეზონის გაცოცხლებას, მაგრამ 12 დღე დაგვჭირდა იმისთვის, რომ Squid Game Netflix-ის ისტორიაში ყველაზე პოპულარული სერიალი გამხდარიყო”, - განაცხადა Squid Game-ის რეჟისორმა, მწერალმა და აღმასრულებელმა პროდიუსერმა ჰვანგ დონ-ჰიუკმა.

Netflix-ს ელოდება მკაცრი კონკურენცია კონკურენტებისგან სტრიმინგის სივრცეში, მაგრამ ასევე დაზარალდა ფასების გაზრდისა და რუსეთიდან გასვლის შემდეგ.

აპრილში მომხმარებელთა რაოდენობა მკვეთრად შემცირდა და არსებობს მოლოდინი, რომ მილიონობით აბონენტი უარს იტყვის მომსახურებაზე. ამან კომპანიის საბაზრო ღირებულება $50 მილიარდზე მეტით შეამცირა.