LIVE

აშშ უკრაინას ლენდ-ლიზის აქტით დაეხმარება, რომელიც მეორე მსოფლიო ომში გამოიყენა

07 აპრ 202212:00
3 წუთის საკითხავი
clock clock 1570
აშშ უკრაინას ლენდ-ლიზის აქტით დაეხმარება, რომელიც მეორე მსოფლიო ომში გამოიყენა

აშშ-ის სენატმა გუშინ ერთხმად მიიღო კანონპროექტი, რომელიც პრეზიდენტ ჯო ბაიდენს საშუალებას აძლევს უფრო ეფექტურად დაეხმაროს უკრაინას: გაუგზავნოს იარაღი და სხვა მარაგი.

ლენდ-ლიზის პროგრამა მე-2 მსოფლიო ომის პერიოდის ზომაა, რომელიც აშშ-ს ნაცისტური გერმანიის წინააღმდეგ მოკავშირეების სწრაფი დახმარების საშუალებას აძლევდა.

პროგრამის ამოქმედება კიდევ ერთი ნიშანია იმისა, რომ აშშ და მისი ევროპელი მოკავშირეები მიიჩნევენ, რომ რუსეთის შეჭრა წარმოადგენს ეგზისტენციალურ საფრთხეს ლიბერალური დღის წესრიგისთვის. 

ეს ასევე მიანიშნებს, რომ დასავლურ სამყაროს სჯერა, ახლა უკრაინას რუს დამპყრობლებთან ბრძოლაში გამარჯვება შეუძლია. 

კონგრესმა ახლახან დაამტკიცა უკრაინის სამხედრო და ჰუმანიტარული დახმარება, რომელიც დაახლოებით $14 მილიარდს შეადგენს. თანხის ნაწილი უკვე დახარჯულია.  

მიმდინარე კვირაში სახელმწიფო დეპარტამენტმა გამოაცხადა, რომ უკრაინა დამატებით $100 მილიონს მიიღებს Javelin-ის რაკეტებისა და სხვა მასალისთვის, რითაც რუსეთის შეჭრის შემდეგ უკრაინის უსაფრთხოების ჯამური დახმარება $1,7 მილიარდამდე გაიზარდა. 

ოთხშაბათს საღამოს სენატის სხდომაზე გამოსვლის დროს, უმრავლესობის ლიდერმა ჩაკ შუმერმა უკრაინაში ხოცვას "სუფთა ბოროტება" უწოდა და დასძინა, რომ რუსული ჯარები უკრაინაში "გენოციდს" ახორციელებენ.

„როდესაც ჩვენ ვკლავთ უდანაშაულო მოქალაქეებს იმის გამო, თუ ვინ არიან ისინი, იქნება რელიგია, რასა თუ ეროვნება, ეს არის გენოციდი და ბატონი პუტინი არის ამაში დამნაშავე“, - თქვა შუმერმა. 

2022 წლის უკრაინის დემოკრატიის დაცვის ლენდ-ლიზის კანონი, როგორც ცნობილია, დააჩქარებს კრიტიკულად მნიშვნელოვანი სამხედრო აღჭურვილობისა და სხვა მნიშვნელოვანი მარაგების ბიუროკრატიული ბარიერების შემცირებით გადაცემას. ის იძლევა აღჭურვილობის დე-ფაქტო ჩუქების საშუალებას, იმ დათქმით, რომ მიმღები ქვეყნები აშშ-ს მოგვიანებით გადაუხდიან.

ჯერჯერობით უცნობია, დაამტკიცებს თუ არა პალატა სენატის მიერ მიღებულ "სესხება-ჯარის" აქტს.