ამერიკული კომპანია Yum Brands-ი, რომელიც ფლობს სწრაფი კვების რესტორნებს KFC-სა და Pizza Hut-ს, რუსეთში ინვესტიციებს აჩერებს.
“როგორც ბევრი სხვა მთელს მსოფლიოში, შოკირებული ვართ უკრაინაში განვითარებული ტრაგიკული მოვლენებით. Yum! Brands-მა შეაჩერა ყველა ინვესტიცია და რესტორნების გახსნა რუსეთში და განიხილავს დამატებით ზომებს. Yum! Brands-ს რუსეთში ოპერაციებიდან მიღებულ მოგებას ჰუმანიტარულ მიზნებზე გადაანაწილებს”, - ნათქვამია კომპანიის მიერ გავრცელებულ განცხადებაში.
ამერიკული Yum! Brands-ი 1997 წელს დაარსდა. კომპანიას 150-ზე მეტ ქვეყანაში 50000-ზე მეტი რესტორანი აქვს. მისი საერთაშორისო ბრენდებია KFC, Pizza Hut და Taco Bell.