Uber-ი კანაფის ბაზარზე პირველ ნაბიჯებს დგამს. Uber Eats-ის მომხმარებლები ონტარიოსა და კანადაში აპლიკაციის გამოყენებით კანაფის პროდუქტების შეკვეთას შეძლებენ.
აპლიკაციაში ასაკის დამოწმების შემდეგ, Uber Eats-ის მომხმარებლებს შეეძლებათ განათავსონ შეკვეთები Tokyo Smoke-ის სპეციალურ განყოფილებაში და შემდეგ აიღონ ისინი ახლომდებარე მაღაზიაში.
კანადის კანონმდებლობით, მიუხედავად იმისა, რომ მარიხუანას მოხმარება 2018 წლიდან ლეგალურია, მიწოდება მაინც უკანონოა, შესაბამისად, უკანონო მწარმოებლები კვლავ აკონტროლებენ გაყიდვების დიდ წილს. Uber-მა განაცხადა, რომ მისი პარტნიორობა Tokyo Smoke-თან მოზარდებს ქვეყანაში უსაფრთხო, ლეგალური კანაფის შეძენაში დაეხმარება.
კანადაში მარიხუანას $4 მილიარდიანი ბაზარი, სავარაუდოდ, მომდევნო წლებში გაფართოებას გააგრძელებს. ინდუსტრიის კვლევითი კომპანია BDS Analytics 2026 წლისთვის გაყიდვების $6,7 მილიარდამდე ზრდას ელის.
კანაფის მოხმარება მნიშვნელოვნად პანდემიის პირობებში გაიზარდა.