პოდკასტების უმსხვილესი მწარმოებელი Wondery შესაძლოა Amazon-ის საკუთრება გახდეს. ამ მიზნით ელექტრონული კომერციის გიგანტი 300-დან 400 მილიონამდე დოლარის გადახდის შესაძლებლობას განიხილავს, თუმცა აღსანიშნავია, რომ Wondery-ის ყიდვით, ასევე, დაინტერესებული არიან Apple და Sony Music Entertainment-ი.
ამჟამად Amazon-ი აუდიოწიგნების ბაზარზე ლიდერის პოზიციას იკავებს. შესაბამისად, კომპანია დაინტერესებულია პოდკასტების და სხვა არამუსიკალური აუდიოპროდუქტების ბაზრის განვითარებით. გარდა ამისა, პოდკასტ სერვისმა შესაძლოა დამატებითი ღირებულება შექმნას Amazon-ის Echo სპიკერებისთვის.
ჰერნან ლოპესის მიერ 2016 წელს დაფუძნებულმა Wondery-მ ბოლო რამდენიმე წლის განმავლობაში ბაზარზე მომგებიანი პოზიციები დაკავა და სავარაუდოა, რომ წელს მისი შემოსავალი 40 მილიონ დოლარს გადააჭარბებს.
Bloomberg-ის ორიგინალური სტატიის ავტორი: ნიკ ტურნერი