Moderna-მ დაასრულა განაცხადის პროცესი შეერთებულ შტატებში Covid-19-ის საწინააღმდეგო ვაქცინის სრული ავტორიზაციის მიზნით. კომპანიამ ვაქცინების უსაფრთხოებისა და ეფექტურობის მონაცემები მარეგულირებლებს მიაწოდა და ისინი კლინიკური კვლევებისათვის ხელმისაწვდომი გახდება.
Moderna-ს ვაქცინა გადაუდებელი გამოყენებისთვის 18 წელზე უფროსი ასაკის პირებისთვის არის დამტკიცებული. ნებართვა, რომელიც შეიძლება ნებისმიერ დროს გაუქმდეს, მხოლოდ პანდემიის განმავლობაში მოქმედებს.
მიუხედავად იმისა, რომ ტიპიური ბიოლოგიური პროდუქტის ლიცენზიის განაცხადის განხილვას შეიძლება რვა თვე დასჭირდეს, FDA ვაქცინების ავტორიზების პროცესს დაჩქარებულად განიხილავს. აშშ-ს ჯანდაცვის სააგენტომ Pfizer-BioNTech-ის ვაქცინის მიმოხილვა სტანდარტულზე ნახევარზე ნაკლებ დროში დაასრულა.
სავარაუდოდ, FDA ახლა იგივეს გააკეთებს Moderna-სთვის. მარეგულირებელი ორგანოები შეაფასებენ უსაფრთხოების, ეფექტურობისა და წარმოების მონაცემების მნიშვნელოვან რაოდენობას. ისინი ასევე შეამოწმებენ Moderna-ს ობიექტებს.
აშშ-ს მთავრობა იმედოვნებს, რომ სრული ავტორიზაცია გაზრდის ნდობას ვაქცინების მიმართ და წაახალისებს ამერიკელებს, რომლებიც ჯერ კიდევ ყოყმანობენ.
Bloomberg-ის ორიგინალური სტატიის ავტორი: რაილი გრიფინი