მოსაზრება: როგორ შეაფერხებს დელტა ეკონომიკურ აღდგენას

01 აგვ 202113:05
3 წუთის საკითხავი
clock clock 231
მოსაზრება: როგორ შეაფერხებს დელტა ეკონომიკურ აღდგენას
Bloomberg

Covid-19-ის დელტა ვარიანტი ეკონომიკურ აღდგენას ემუქრება. ვაქცინაციის მაჩვენებლის გაზრდა ყველაზე მნიშვნელოვანი რამ არის, რაც ეკონომიკის შენარჩუნებისთვის მომდევნო რამდენიმე თვის განმავლობაში შეიძლება გაკეთდეს. ამის მიღმა, სრული აღდგენა შეიძლება მოითხოვდეს ახალი ვაქცინების შექმნას დელტასა და სხვა განვითარებადი ვარიანტების წინააღმდეგ.

მიუხედავად დაწყებული აღდგენისა, ბაზარზე არასტაბილურობა ცხადყოფს, რომ ინვესტორები შეშფოთებულნი არიან აღდგენის სიჯანსაღის შესახებ. ეს არ ეხება მხოლოდ ბაზრებს - არსებობს ეკონომიკური სისუსტის გარკვეული ნიშნები, მაგალითად, უმუშევრობის მოულოდნელად დიდი ზრდა. ჯერ წითელი არ ანთებულა, მაგრამ ეს აშკარად გამაფრთხილებელი ნიშნებია.

ეს არ გულისხმობს, რომ ეკონომიკური რისკი აუცილებლად ლოქდაუნები და სავალდებულო სოციალური დისტანცირების განახლებული პოლიტიკაა. როგორც ჩანს, მთავრობის წარმომადგენლებმა შემზღუდველი ზომების პოლიტიკა უკვე ამოწურეს. სინამდვილეში, ლოქდაუნები და შეზღუდვები არასდროს ყოფილა მნიშვნელოვანი წვლილი 2020 წლის ეკონომიკური დაღმასვლისთვის. მთავრობის მიერ დაწესებულმა სოციალური დისტანცირების ზომებმა და დრომ აჩვენა, რომ ეკონომიკური ზიანი მოხდა არა ამის გამო, არამედ მიუხედავად ამისა. არც სახელმწიფო დონის გახსნამ მისცა ეკონომიკურ აღდგენას დიდი ბიძგი.

თუმცა, თუ ჩაკეტვამ არ დააზიანა ეკონომიკა, მაშინ რა იყო მიზეზი? გავრცელებული ვირუსის შიში. მომაკვდინებელი, გადამდები ჭირის არსებობა არის ძლიერი მოტივაცია, რომ შეუკვეთოთ ონლაინ, მაღაზიაში წასვლის ნაცვლად, ან სახლში ივახშმოთ რესტორანში წასვლის ნაცვლად.

თავდაპირველი ტალღის შემდეგ, როდესაც ნიღბები გახდა ჩვეულებრივი მოვლენა და ხალხმა დაიწყო იმის გაგება, თუ რის წინაშე იდგა, ეკონომიკური საქმიანობა არც ისე შეაფერხა შიშმა, მაშინაც კი, როცა 2020 წლის ბოლოს და 2021 წლის დასაწყისში შემოდგომისა და ზამთრის ვირუსული აფეთქებები მოხდა. თუმცა მას შემდეგ, რაც ვაქცინები ფართოდ გახდა ხელმისაწვდომი, ადგილობრივმა ეკონომიკებმა მართლაც დაიწყეს ზრდა.

დელტა შტამი ამ სწრაფ აღდგენას საფრთხის ქვეშ აყენებს. ვაქცინირებული საკმაოდ მნიშვნელოვანი პროცენტიც კი არ იქნება საკმარისი იმისთვის, რომ დაიცვას არავაქცინირებულები ვირუსის გადადებისგან.

ამასობაში, ვაქცინირებულებიც კი შეიძლება შეშინდნენ დელტას პირისპირ. mRNA ვაქცინები Moderna და Pfizer/BioNTech მნიშვნელოვნად ამცირებს დელტა შტამით ინფიცირების რისკს და უმეტეს შემთხვევებში ისინი ხელს უშლიან ვაქცინირებულების საავადმყოფოში მოხვედრის ან სიკვდილიანობის რისკს. მაგრამ ისინი სრულად არ გამორიცხავენ რისკებს, ამის ფონზე საკმაოდ მნიშვნელოვანი ციფრია ინფექციების მაჩვენებელი ვაქცინირებულებში, თუნდაც სრულად ვაქცინირებულთა შორის. მიუხედავად იმისა, რომ აცრილებში ეს შტამიც იშვიათად უქმნის საფრთხეს სიცოცხლეს, ახალგაზრდებშიც კი რჩება ინფექციის მიერ ხანგრძლივად დატოვებული სიმპტომები.

შესაძლოა, ახლა 2020 წლის მარტი რომ იყოს, რისკის ეს დონე საკმარისი არ აღმოჩენილიყო გარეთ გასვლისგან თავის შესაკავებლად, მაგრამ ადამიანებს ერთი წელი ჰქონდათ, რომ მორგებოდნენ სოციალური დისტანცირების ჩვევებს და ბევრმა შეიძლება უბრალოდ გადაწყვიტოს პანდემიური ცხოვრების სტილის გახანგრძლივება ცოტა ხნით, ვიდრე დელტას საფრთხე არ გადავა.

რისი გაკეთება შეიძლება ამ შესაძლებლობის გასაქრობად? როგორც ადრე, მხოლოდ ვირუსის უფრო ყოვლისმომცველი ვაქცინაციის გზით დამარცხება აღადგენს ეკონომიკას სრულად და საიმედოდ. ჩვენ გვჭირდება საინფორმაციო კამპანია საზოგადოებისთვის.

ამასთან, გრძელვადიან პერსპექტივაში, ნდობა შეიძლება გაუმჯობესდეს მთავრობის მიერ ვაქცინის გამაძლიერებლის სწრაფი დამტკიცებით, რომელიც სპეციალურად შექმნილია დელტასა და სხვა ვარიანტებზე, რომლებიც მომავალში შეიძლება გაჩნდეს.

Bloomberg-ის ორიგინალური სტატიის ავტორი: ნოა სმიტი