LIVE

ტრამპის მოწონებული “Covid-ის მკვლელი” თვითმფრინავებში გამოყენების შემდეგ აკრძალეს

09 ივლ 202119:00
3 წუთის საკითხავი
clock clock 611
ტრამპის მოწონებული “Covid-ის მკვლელი” თვითმფრინავებში გამოყენების შემდეგ აკრძალეს
Bloomberg L.P.

EPA აჩერებს BioScience-ის SurfaceWise2-ის სადეზინფექციო საშუალების გაყიდვას, რომელიც American Airlines-ის თვითმფრინავებისა და აეროპორტის ობიექტების ნაწილში გამოიყენებოდა.

გარემოს დაცვის სააგენტომ BioScience-ს დაავალა, დაუყოვნებლივ შეეჩერებინა გაყიდვა და გავრცელება “პროდუქტის მახასიათებლებთან დაკავშირებით მეცნიერული შეშფოთების გამო”. 

“EPA-ს ლაბორატორიული ტესტირება მიუთითებს, რომ პროდუქტის ეფექტურობა ნაკლებსაიმედოა რეალურ პირობებში, განსაკუთრებით ტენიანობის ან აბრაზიის პირობებში. SurfaceWise2-ის ეფექტურობის ყველა არსებული მონაცემების საფუძველზე, EPA მხარს არ უჭერს მის გადაუდებელ გამოყენებას”,- ნათვამია განცხადებაში.

American Airlines-ის თანახმად, კომპანიამ  შეწყვიტა SurfaceWise2-ის გამოყენება, რომელიც მხოლოდ ტეხასის მიმართულებით გატარებულ თვითმფრინავებზე დაიშვებოდა. ”ჩვენ გავითვალისწინებთ EPA-სა და ფედერალური ხელისუფლების მითითებებს ამ საკითხთან დაკავშირებით”,- წერს კომპანია ელექტრონულ განცხადებაში.

EPA-ს ნებართვა SurfaceWise 2-ზე ტეხასის ზოგიერთ ადგილას - მათ შორის American Airlines-ის საშუალებებსა და ორთოპედიულ კლინიკებში - გასული წლის აგვისტოში გასცეს, როგორც პოტენციური გარდამტეხი წერტილი Covid-19-ის გავრცელების თავიდან ასაცილებლად.

EPA აცხადებდა, რომ სადეზინფექციო საშუალებას Covid-19-ის განადგურება შეეძლო ზედაპირებზე, მაგალითად დახლებსა და სავარძლებზე გამოყენების შემდეგ შვიდი დღის განმავლობაში, როდესაც ის სხვა სამკურნალო საშუალებებთან ერთად გამოიყენებოდა.

Bloomberg-ის ორიგინალური სტატიის ავტორი: ჯენიფერ ა. დლოუჰი