LIVE

როგორია გერმანული პარტიების დაპირებები სექტემბრის არჩევნების წინ?

06 ივლ 202122:00
3 წუთის საკითხავი
clock clock 453
როგორია გერმანული პარტიების დაპირებები სექტემბრის არჩევნების წინ?

გერმანიაში არჩევნების მოახლოებასთან ერთად, მთავარმა პარტიებმა მანიფესტები გამოაქვეყნეს. Bloomberg-მა გააანალიზა პარტიების დაპირებები ეკონომიკისა და საგარეო პოლიტიკის მიმართულებით. 

რუსეთი და ჩინეთი

CDU-ს ხელმძღვანელობით ბლოკი მტკიცედ ემსახურება ტრანსატლანტიკური ალიანსს და NATO-ს ეგიდით მიზნად ისახავს თავდაცვისთვის ეკონომიკის 2%-ის ხარჯს. ევროკავშირმა უნდა შეიმუშაოს ერთიანი სტრატეგია ჩინეთის ინტერესების გაფართოებისა და ბაზრის სამართლიანი კონკურენციის მოთხოვნების წინააღმდეგ. აუცილებელია დაუპირისპირდეს რუსეთის მიერ ევროპული ღირებულებების გამოწვევას და თავიდან აიცილოს ახალი სამხედრო საფრთხე.

მწვანეები NATO-ს რესტრუქტურიზაციისკენ ისწრაფვიან. ამტკიცებენ, რომ ალიანსს სტრატეგიული პერსპექტივა არ გააჩნია. პარტია ასევე უარყოფს თავდაცვის ხარჯების 2%-იან მიზანს. მწვანეთა პარტია ღიად ითხოვს Nord Stream 2-ის გაზსადენის გათიშვას.

SPD ისწრაფვის აშშ-სგან უფრო დამოუკიდებელი ევროკავშირისკენ და არ უჭერს მხარს თავდაცვის ხარჯების 2%-იან მიზანს. პარტია პეკინთან დიალოგის მომხრეა და ამავე დროს აკრიტიკებს ჩინეთში ადამიანის უფლებების დარღვევას. მოითხოვს მოსკოვთან კონსტრუქციულ დიალოგს ევროკავშირის სანქციების შემსუბუქების პერსპექტივის შესახებ, თუ კრემლი განახორციელებს მინსკის შეთანხმებას, რომელიც აღმოსავლეთ უკრაინაში კონფლიქტის შეჩერებას ისახავს მიზნად.

FDP მხარს უჭერს NATO-ს მიზანს და ცდილობს წარმოების 3% დახარჯოს თავდაცვის, განვითარებისა და ზოგადად დიპლომატიისთვის. პარტია მხარს უჭერს უფრო მკაფიო პოზიციას რუსეთთან მიმართებაში და მოუწოდებს მორატორიუმის გამოცხადებისკენ Nord Stream 2-ზე მანამ, სანამ მოსკოვი მხარს არ დაუჭერს დამოუკიდებელ გამოძიებას ოპოზიციის ლიდერის, ალექსეი ნავალნის მოწამვლის ფაქტთან დაკავშირებით. პარტია ჩინეთთან, როგორც “სისტემურ კონკურენტთან” დიალოგის მომხრეა, თუმცა მხოლოდ საერთაშორისო სამართლის საფუძველზე.

საგადასახადო პოლიტიკა

CDU და CSU გამორიცხავენ გადასახადების ზრდას და სურთ შეამსუბუქონ დაბალი და საშუალო შემოსავლის მქონე პირების ტვირთი ე.წ. სოლიდარობის მოსაკრებლის გაუქმების გზით, რომელიც თავდაპირველად ყოფილი კომუნისტური აღმოსავლეთის აღმშენებლობის დასაფინანსებლად შემოიღეს.

მწვანეთა პარტია ამომრჩეველს პირადი გადასახადის 42%-დან 48%-მდე გაზრდას ჰპირდება. გაიზრდება გადასახადი კაპიტალსა და მოგებაზეც. ტექნოლოგიური კომპანიები, როგორიცაა Google და Facebook, ციფრული გადასახადით დაიბეგრება. 

SPD ასევე განიხილავს მაღალშემოსავლიანი ადამიანების გადასახადების გაზრდას, მათ შორის სიმდიდრის გადასახადის აღდგენის გზით, მაგრამ პარტიას სურს გაუადვილოს ცხოვრება დაბალი და საშუალო შემოსავლის მქონე ადამიანებს. პარტია გადასახადების შემცირების დიდ პოტენციალს ვერ ხედავს.

FDP-ს სურს შეამციროს გადასახადები კომპანიებისთვის და მაღალი შემოსავლის მქონე პირებისთვის, ხოლო კომპანიებისთვის გადასახადების საერთო დონე არ უნდა აღემატებოდეს OECD-ის ქვეყნების საშუალო მაჩვენებელს, დაახლოებით 25%-ს. აპირებს სოლიდარობის გადასახადის გაუქმებასაც.

სოციალური პოლიტიკა

CDU ბლოკის შეფასებით, საპენსიო ასაკის შემცირება შეუძლებელია. პარტიას სურს შექმნას “თაობის პენსიის” ფონდი. მოდელი, რომელშიც სახელმწიფო იხდის გარკვეულ თანხას თითოეულ ბავშვზე.

მწვანეთა პარტია აპირებს სოციალური დახმარების გაზრდას სულ მცირე 50 ევროთი ერთ ადამიანზე. საშუალოვადიან პერსპექტივაში, გრძელვადიანი უმუშევრობის შეღავათები უნდა შეიცვალოს უსაფრთხოების გარანტირებული გადახდით, თანდართული პირობების გარეშე. მწვანეთა მოთხოვნაა მინიმალური ხელფასის 9,50 ევროდან 12 ევრომდე გაზრდა.

SPD სურს გრძელვადიანი უმუშევრობის დახმარება გახდეს ე.წ. მოქალაქის შემოსავალი. ეს ნიშნავს, რომ ქონებამ და აქტივებმა არ უნდა მოახდინონ მიმღების დისკვალიფიკაცია პირველი ორი წლის განმავლობაში. პარტიას სურს უმუშევრობის სარგებელი გადაიხადოს უფრო ხანგრძლივი პერიოდის განმავლობაში, მოახდინოს შრომის ბაზრის რეფორმა, რომელიც გასული ათწლეულის დასაწყისში დაინერგა. პარტია მინიმალური ხელფასის 12 ევრომდე გაზრდას გეგმავს.

FDP-ს სურს უფრო ცენტრალიზებული და სტანდარტიზებული განათლება გერმანიაში, სადაც 16 მიწა პასუხისმგებელია განათლების პოლიტიკაზე. ბალანსი სამუშაოსა და ოჯახს შორის უნდა გაუმჯობესდეს საბავშვო ბაგა-ბაღების საგადასახადო წახალისების გზით. მშობიარობის კანონიერი უფლება გარანტირებული უნდა იყოს დეკრეტული შვებულების შემდეგ.

Bloomberg-ის ორიგინალური სტატიის ავტორები: ბირგიტ ჯენინი, არნე დელფსი და პატრიკ დონაჰიუ