LIVE

Twitter-ის ყიდვის შემდეგ, მასკმა Tesla-ს $3.95 მლრდ-ის ღირებულების აქციები გაყიდა

09 ნოე 202213:25
3 წუთის საკითხავი
clock clock 631
Twitter-ის ყიდვის შემდეგ, მასკმა Tesla-ს $3.95 მლრდ-ის ღირებულების აქციები გაყიდა

აშშ-ის მარეგულირებელი დოკუმენტაციის თანახმად, Tesla-ს აღმასრულებელმა დირექტორმა ილონ მასკმა Twitter-ის ყიდვიდან რამდენიმე დღეში ელექტრომობილების მწარმოებელი კომპანიის $3,95 მილიარდის ღირებულების აქციები გაყიდა.  

აშშ-ის ფასიანი ქაღალდებისა და ბირჟების კომისიის მიერ გამოქვეყნებული ფაილების მიხედვით, პარასკევიდან სამშაბათამდე  მასკმა კომპანიის 19,5 მილიონი აქცია გაყიდა. გაყიდვის მიზანი ცნობილი არ არის. 

Reuters-ის გამოთვლით, აქციების უახლესი გაყიდვით მასკს Tesla-ში დაახლოებით 14%-იანი წილი რჩება.

Tesla-ს აქციების გაყიდვის შესახებ მასკის გადაწყვეტილება მოულოდნელი არ ყოფილა ანალიტიკოსებისთვის, რომლებიც ვარაუდობდნენ, რომ ბიზნესმენი Twitter-ის გარიგების დასაფინანსებლად Tesla-ს დამატებით აქციებს გაყიდდა.

მას შემდეგ, რაც მასკმა აპრილში Twitter-ის ყიდვის შესახებ განაცხადა, Tesla-მ საბაზრო ღირებულების თითქმის ნახევარი დაკარგა და მისი ქონება $70 მილიარდით შემცირდა, მიუხედავად ამისა, ის მსოფლიოში უმდიდრესი ადამიანია. მისი ქონება $179 მილიარდს შეადგენს.