LIVE

ნაბიულინა: შემსუბუქების ციკლის დასასრულთან ახლოს ვართ

16 სექ 202218:20
3 წუთის საკითხავი
clock clock 197
ნაბიულინა: შემსუბუქების ციკლის დასასრულთან ახლოს ვართ

რუსეთის ცენტრალურმა ბანკმა რეფინანსირების განაკვეთი დღეს 8%-დან 7.5%-მდე შეამცირა, რაც Bloomberg-ის ეკონომისტებს უმრავლესობის პროგნოზს დაემთხვა.

მიმდინარე ციკლის ყველაზე მცირე შემცირების შემდეგ, ბანკის ხელმძღვანელმა, ელვირა ნაბიულინამ მიანიშნა, რომ ინფლაციის განახლებული რისკების ფონზე, მონეტარული პოლიტიკის შერბილება შეჩერებასთან ახლოსაა. 

"ახლოს ვართ შემსუბუქების ციკლის დასასრულთან", - ამბობს ნაბიულინა.

ცენტრალური ბანკი მიმდინარე მონეტარულ პირობებს აფასებს, როგორც "ზოგადად ნეიტრალურს". 

"კურსის შენარჩუნების გარდა, შემდეგი ნაბიჯი, შეიძლება იყოს ზრდა, მაგრამ შემცირებას არ გამოვრიცხავთ", - განუცხადა ნაბიულინამ ჟურნალისტებს და აღნიშნა, რომ იგი "შეშფოთებულია" ინფლაციური მოლოდინების ბოლოდროინდელი ზრდით. განახლებული საფრთხე ნაბიულინას ყურადღებას იქცევს, რადგან ეკონომიკა ძლიერ ვარდნას უახლოვდება.

გადაწყვეტილების შემდეგ რუბლი დოლართან მიმართებაში 0,4%-ით გაუფასურდა. 

რუსეთში სესხის აღების ხარჯები უკვე იმაზე ნაკლებია, ვიდრე ის რუსეთის უკრაინაში შეჭრამდე იყო. ეკონომისტები ვარაუდობენ, რომ 2022 წელი 7.5%-იანი განაკვეთით დასრულდება და ის მომავალი წლის პირველ კვარტლამდე არ შემცირდება. 

Bloomberg-ის ორიგინალური სტატია