საქართველოს ბანკი ადგილობრივი ბიზნესის მხარდაჭერის მიზნით ურბანული პროექტის, „ქარავანი ორბელიანზეს“ გენერალური პარტნიორია.
როგორც ბანკში აცხადებენ, გემრიელი ფუდმარკეტი, სახალისო საბავშვო ზონა და სხვა მრავალი გასართობით 11-12 ივნისს „ქარავანმა ორბელიანზე“ სტუმრებს ზაფხულის საინტერესო დღე შესთავაზა.
„ქარავანი უკვე მე-4 წელია აერთიანებს მრავალფუნქციურ ღია და დახურულ სივრცეებს, თბილისის ცენტრში - ორბელიანის მოედანზე. ქარავანი ქმნის უნიკალურ გამოცდილებას და აერთიანებს ადამიანებს - მომხმარებლებს და ბიზნეს სუბიექტებს, რათა დაუკავშირდნენ ერთმანეთს და ამ კავშირიდან სასიამოვნო და სასარგებლო გამოცდილება მიიღონ. ქარავანი აერთიანებს 4 ძირითად მიმართულებას. ესაა: სამეწარმეო ბაზარი, შემეცნებითი, საბავშვო და გასართობი პროგრამები. 11-12 ივნისს ჩვენთან მოსულ სტუმრებს მხიარული დღე მოვუწყვეთ. სტუმრების განწყობაზე 11 ივნისს მიშო ურუშაძემ, 12 ივნისს კი დიჯეი DIASSAMIDZE-მ იზრუნეს. აღსანიშნავია, რომ საზაფხულო ქარავანის პირველი უიქენდი უკრაინის მხარდასაჭერი ღონისძიებით გაიხსნა და 12 ივნისს, სპეციალურად უკრაინელი ბავშვებისთვის, ფსიქოთერაპიის ცენტრ „კამარას“ უკრაინელმა თანამშრომელმა მათთვის არტთერაპიის ვორკშოპი ჩაატარა“, - განაცხადა „ქარავანის“ წარმომადგენელმა თინათინ ხაფავამ.
„2022 წლის ზაფხულში ქარავანის გენერალური პარტნიორი საქართველოს ბანკი ბიზნესია. „Made in Georgia“-ს კამპანიის ფარგლებში, ვაგრძელებთ ქართული ბიზნესების მხარდაჭერას. მოხარული ვართ, რომ გვაქვს შესაძლებლობა, 11 ივნისიდან მოყოლებული, 2 თვის განმავლობაში, ყოველ უქმეებზე მივცეთ შესაძლებლობა ბიზნესებს, უკეთ გააცნონ საკუთარი პროდუქცია მომხმარებელს, მოიზიდონ ახალი მყიდველები და გაზარდონ გაყიდვები. გვინდა კიდევ უფრო გავაძლიეროთ ქართველი მეწარმეები და დავარწმუნოთ ისინი, რომ მთავარია დაიჯერონ საკუთარი იდეის, არ გაჩერდნენ და წარმატებას აუცილებლად მიაღწევენ“, - აცხადებენ საქართველოს ბანკში.
შეგახსენებთ, საქართველოს ბანკმა ადგილობრივი ბიზნესის მხარდასაჭერად, ახალი, მასშტაბური კამპანია, „Made in Georgia“ დაიწყო. კამპანიის ფარგლებში, ქართულ ბიზნესებს ეძლევათ შესაძლებლობა, ისარგებლონ სპეციალური ფასდაკლებებითა და უკეთესი პირობებით მათთვის საჭირო სერვისებზე, როგორიცაა: შეღავათიანი საკომისიო პოსტერმინალით გადახდებსა და Extra.ge-ზე, API სერვისების ინტეგრაცია, პროდუქციის ფოტოსესია და სხვა.
(R)