ფლორიდის ფედერალურმა მოსამართლემ დაადგინა, რომ ყოფილი პრეზიდენტის, დონალდ ტრამპის, როგორც აშშ-ის პრეზიდენტის სტატუსი მას Twitter-ის წესების დარღვევის უფლებას არ აძლევს.
მისი ანგარიშის სამუდამო შეჩერების გამო, ივლისში ტრამპმა ფლორიდაში სარჩელი Twitter-ისა და მისი აღმასრულებელი დირექტორის წინააღმდეგ შეიტანა. ყოფილი პრეზიდენტი სარჩელში აღნიშნავს, რომ სოციალური მედიის გიგანტები, როგორიცაა Facebook-ი, Twitter-ი და Google, "კონსერვატიულ ხმას" ახშობენ, რაშიც ის დემოკრატი კანონმდებლები დაადანაშაულა.
ფლორიდის ოლქის მოსამართლემ, რობერტ სკოლამ დააკმაყოფილა Twitter-ის შუამდგომლობა, რომ საქმე გადაეცეს კალიფორნიის ჩრდილოეთ ოლქს, როგორც ამას სოციალური მედიის კომპანიის წესები მოითხოვს.
მიმდინარე წლის იანვარში კაპიტოლიუმზე შტურმის შემდეგ, Twitter-მა ამერიკის პრეზიდენტის, დონალდ ტრამპის ანგარიში სამუდამოდ დაბლოკა. სოციალურმა ქსელმა ეს გადაწყვეტილება, ტრამპის მიერ ძალადობის წახალისების გამო, მიიღო.
სანაცვლოდ, აშშ-ის ყოფილმა პრეზიდენტმა დონალდ ტრამპმა ახალი სოციალური მედიის კომპანიის შექმნა დააანონსა. როგორც ცნობილია, კომპანიის სახელი Truth Social-ი იქნება და 2022 წლის პირველ კვარტალში ამოქმედდება.
Bloomberg-ის ორიგინალური სტატიის ავტორი: ერიკ ლარსონი