CoinMarketCap-ის შეფასებით, კრიპტოვალუტების მასიური გაყიდვის შედეგად, კრიპტო ბაზარმა 24 საათში $200 მილიარდი დაკარგა.
კრიპტოკომპლექსის ჩაძირვამ, რაც TerraUSD-ის სტაბილკოინის ჩამოშლით იყო გამოწვეული, ძირითად ციფრულ მონეტებს მძიმედ დაარტყა. ბიტკოინის ფასი 2020 წლის დეკემბრის შემდეგ ყველაზე დაბლა დაეცა, ხოლო ეთერიუმმა ღირებულების 16% დაკარგა.
კლება სავარაუდოდ, კვლავ გაგრძელდება. აზიურ ვაჭრობაში ასევე დაეცა კრიპტოსთან დაკავშირებული აქციები. ჰონგ-კონგში დალისტული ფინტექ ფირმის BC Technology-ის აქციების ფასი ვაჭრობის დასრულებამდე 6.7%-ით შემცირდა. იაპონიის Monex Group-მა, რომელიც TradeStation-ს და Coincheck-ის ბაზრებს ფლობს, ვაჭრობა 10%-ით დაბლა დაასრულა.
ინფლაციის მოთოკვის მიზნით ცენტრალური ბანკების მიერ მონეტარული პოლიტიკის გამკაცრების პარალელურად, ციფრულმა მონეტებმა ზეწოლა განიცადეს სხვა რისკის შემცველ აქტივებთან ერთად.
ამ ფონზე კრიპტო მილიარდერებმა ქონების დიდი ნაწილი დაკარგეს.
Bloomberg-ის ორიგინალური სტატიის ავტორი: ლოუ დეი ვეი