ეგვიპტის სასამართლომ მარტში სუეცის არხში გაჭედილი გიგანტური გემის საქმის განხილვა გადადო, რათა წყალსადენის ოპერატორს ახალი ფინანსური შეთავაზების შეფასებისთვის საკმარისი დრო ჰქონდეს.
ქალაქ ისმაილიას სასამართლომ განაცხადა, რომ შემდეგი მოსმენა 4 ივლისს გაიმართება.
სუეცის არხის ადვოკატმა ხალედ აბუ ბაქრმა გუშინ სასამართლოს განუცხადა, რომ ოპერატორი გემის მეპატრონეების ახალ შეთავაზებას განიხილავს, თუმცა შეთავაზების შესახებ დამატებით დეტალებს არ ასაჯაროებს.
Ever Given-ი სუეცის არხში 23 მარტს გაიჭედა. გიგანტურმა გემმა არხი თითქმის ერთი კვირის განმავლობაში გადაკეტა და გადაზიდვების ბაზარზე არეულობა გამოიწვია. მიყენებული მასშტაბური ეკონომიკური ზარალის გამო, არხის ადმინისტრაციამ გემის მფლობელისგან $900 მილიონი მოითხოვა, თუმცა მოგვიანებით ეს თანხა $550-მდე შეამცირა.
თავდაპირველად გემის მფლობელმა კომპანიამ არხის ადმინისტრაციას $150 მილიონი შესთავაზა.
Bloomberg-ის ორიგინალური სტატიის ავტორები: აბდელ ლატიფ ვაჰბა და სალმა ელ ვარდანი