Meta საკუთარ პლატფორმებზე ახალ დამცავ საშუალებებს და მონიტორინგის ინსტრუმენტებს ამატებს, რითაც მშობლებს თინეიჯერი შვილების გაკონტროლების შესაძლებლობას აძლევს.

ამ ინსტრუმენტის მეშვეობით, მშობლებს Messenger-ზე წვდომა ექნებათ, მოზარდები Facebook-ზე 20 წუთის გატარების შემდეგ პლატფორმის დატოვების შესახებ გაფრთხილებას მიიღებენ. ახალი ინსტრუმენტი მოზარდებს Instagram-ის დაუსრულებელი "სქროლვის" შეწყვეტისკენაც მოუწოდებს.

Meta-ს შეტყობინებების აპლიკაციის, Messenger-ის მშობლებისთვის ზედამხედველობის ინსტრუმენტი იქნება ისეთი, როგორიც Instagram-ს უკვე აქვს. მშობლებსა თუ მეურვეებს შესაძლებლობა ექნებათ, ნახონ რა დროს ატარებენ მოზარდები Messenger-ში, ამასთან, მიიღებენ განახლებულ ინფორმაციას შვილების პირად კონტაქტებთან დაკავშირებით და ასევე, მოზარდის მიერ რომელიმე კონტაქტის დაბლოკვის შესახებ.  

ახალი ფუნქციები სოციალურ ქსელებს მას შემდეგ ემატება, რაც Meta-ს კანონმდებლები სულ უფრო ხშირად აკრიტიკებენ პლატფორმების მოზარდებზე ძლიერი გავლენის გამო. როგორც ცნობილია, Meta-ს პლატფორმებზე დარეგისტრირება 13 წლის ასაკიდან დაშვებულია.