საკრედიტო-სარეიტინგო სააგენტო Moody's-იმ უკრაინის საკრედიტო რეიტინგი Caa2-დან Caa3-მდე შეამცირა.
“მიუხედავად იმისა, რომ უკრაინა სარგებლობს საერთაშორისო ფინანსური მხარდაჭერის დიდი ვალდებულებებით, რაც ხელს უწყობს ლიკვიდურობის მყისიერი რისკების შერბილებას, სახელმწიფო ვალის მნიშვნელოვანი ზრდა, სავარაუდოდ, საშუალოვადიან პერსპექტივაში არამდგრადი იქნება”, - ნათქვამია სარეიტინგო სააგენტოს განცხადებაში.
Moody's-ის თანახმად, ხანგრძლივი ომი ზრდის ვალების რესტრუქტურიზაციის და ზარალის კერძო სექტორის კრედიტორებზე გადაცემის ალბათობას.
Moody's ელის, რომ უკრაინაში სამხედრო კონფლიქტი უფრო ხანგრძლივი იქნება, ვიდრე თავდაპირველად ვარაუდობდნენ და პროგნოზირებს, რომ ქვეყნის ეკონომიკა 2022 წელს დაახლოებით 35%-ით შემცირდება.
“ეს არის ბუნებრივი შედეგი იმ საფრთხისა, რომელსაც ომი უქმნის მაკროეკონომიკურ გარემოს და, შედეგად, ვალების დაფარვის შესაძლებლობას. ის მეტად არ უნდა შემცირდეს. სინამდვილეში, ეს ნაბიჯი შეიძლება იყოს Moody's-ის შეფასების სამომავლო განახლება, თუ უკრაინა მიიღებს შესაბამის მხარდაჭერას ევროკავშირისგან და ასევე დაამტკიცებს, რომ ვალის მომსახურება უფრო საიმედო საფუძველს ემყარება ”, - ამბობს პადრაიკ გარვი, ING Financial Markets-ის გლობალური ვალისა და განაკვეთების სტრატეგიის ხელმძღვანელი.
Moody's-ი პროგნოზირებს, რომ უკრაინის ეკონომიკა აღდგენას 2023 წლიდან დაიწყებს, მაგრამ რუსეთის შეჭრა შეუქცევად ზიანს მიაყენებს ქვეყნის ეკონომიკას.
Bloomberg-ის ორიგინალური სტატიის ავტორი: მარია ელენა ვიზკაინო და ამელია პოლარდი