Gucci-სა და Adidas-ის ერთობლივი ქოლგა ჩინეთში მედიის ყურადღების ცენტრშია. სოციალურ ქსელ Weibo-ზე ჰეშთეგს "თანამშრომლობით შექმნილი ქოლგა, რომელიც 11,100 იუანად ($1,644) იყიდება, წყალგაუმტარი არ არის",- 140 მილიონზე მეტი ნახვა აქვს.
warning！
Umbrellas are not waterproof！#adidasxGucci @adidasoriginals @gucci #VirtualWorld #REALITY #Blockchain #CryptocurrencyNews #Metaverse #NFTCommunity #NFTcollectibles #NFTartist #nftcollector pic.twitter.com/xmudzHHxrW
Gucci-ის ვებსაიტის მიხედვით, ის "არ არის წყალგაუმტარი, განკუთვნილია მზისგან დასაცავად და შეიძლება გამოყენებული იქნას, როგორც დეკორაციული აქსესუარი".
Gucci-ს სპიკერმა პეკინში დაფუძნებულ ჟურნალს Caijing-ს განუცხადა, რომ პროდუქტი "ყოველდღიური გამოყენებისთვის არ არის რეკომენდებული".
ქოლგა ნაწილია ბრენდების ერთობლივი კოლექციის, რომლის გამოსვლა 7 ივნისს იგეგმება.
ჩინეთი წამყვანი ფუფუნების ბრენდების საკვანძო ბაზარია. საკონსულტაციო კომპანია Bain & Company-ის ცნობით, ჩინეთში გასულ წელს, ძვირადღირებული საქონლის გაყიდვები 36%-ით გაიზარდა.
Bain-მა ასევე იწინასწარმეტყველა, რომ ჩინეთი გახდება ფუფუნების საქონლის ყველაზე დიდი ბაზარი მომდევნო სამი წლის განმავლობაში.
Bloomberg-ის ორიგინალური სტატიის ავტორი: ლაუ დუ ვეი