უკრაინის ოფიციალური პირების განცხადებით, რუსულმა ძალებმა რეაქტიული ჭურვები ესროლეს დასავლეთ უკრაინის სამხედრო ბაზას, რომელიც NATO-ს წევრი პოლონეთის საზღვართან ექვსი მილის დაშორებით მდებარეობს.
ლვოვის რეგიონის ადმინისტრაციის განცხადებით, იავორივის სამხედრო ბაზაზე სარაკეტო დარტყმის შედეგად ცხრა ადამიანი დაიღუპა. დაშავებულია 57 ადამიანი.
დასავლეთ უკრაინის კიდევ ერთი ქალაქის, ივანო-ფრანკოვსკის მერი ამბობს, რომ რუსული ძალები ქალაქის აეროპორტსაც დაესხნენ თავს.