რუსეთის საგარეო საქმეთა სამინისტრო დიდ ბრიტანეთს ემუქრება. სამინისტროს სპიკერი მარია ზახაროვა ამბობს, რომ რუსეთი არ დაივიწყებს დიდი ბრიტანეთის თანამშრომლობას უკრაინასთან.
“სანქციების ისტერია, რომელშიც ლონდონი ერთ-ერთ წამყვან, თუ არა მთავარ როლს ასრულებს, სხვა გზას არ გვიტოვებს, გარდა პროპორციულად მკაცრი საპასუხო ზომების მიღებისა”, - განაცხადა ზახაროვამ.
კრემლის ოფიციალური ვერსიის თანახმად, უკრაინის მშვიდობიანი მოსახლეობისთვის საფრთხეს ქმნის არა რუსული ჯარი, არამედ “უკრაინელი ნაციონალისტები”.
ბრიტანეთის მთავრობამ უკრაინას შეიარაღება მიაწოდა და ფინანსური დახმარება გაუწია.