პლანეტის უმდიდრესი ადამიანი, ილონ მასკი ვაქცინის მანდატების შესახებ პოლიტიკურ დაპირისპირებაში, რომელმაც კანადა მოიცვა, კიდევ ერთხელ ჩაერთო. მასკი საკითხს Twitter-ზე გამოეხმაურა და მიმი გააზიარა, რომლითაც კანადის პრემიერ-მინისტრ ჯასტინ ტრუდოსა და ადოლფ ჰიტლერს შორის პარალელი გაავლო.
მსოფლიოს უმდიდრესი ადამიანი CoinDesk-ის პოსტს გამოეხმაურა, რომელიც ტრუდოს ბრძანებას ეხებოდა მომიტინგეებისათვის ფინანსებზე წვდომის შეწყვეტის შესახებ. მასკმა ამის საპასუხოდ Twitter-ზე ჰიტლერის ფოტო გამოაქვეყნა წარწერით: " შეწყვიტეთ ჩემი ტრუდოსთან შედარება, მე ბიუჯეტი მქონდა"
— Elon Musk (@elonmusk) February 17, 2022
50 წლის მასკმა კანადელი სატვირთო მანქანების მძღოლებისადმი მხარდაჭერა პროტესტის დასაწყისშივე გამოხატა. მისი თქმით, კანადის მთავრობა ახშობს მშვიდობიან პროტესტს და საზოგადოების მხარდაჭერა არ გააჩნია.
Tesla-ს აღმასრულებელ დირექტორს კანადელი დედა და სამხრეთ აფრიკელი მამა ჰყავს. ის მოზარდობის დროს კანადაში გადავიდა საცხოვრებლად, სანამ ონტარიოში, Queen’s University-ში ჩაირიცხებოდა. მოგვიანებით მასკმა სწავლა აშშ-ში პენსილვანიის უნივერსიტეტში განაგრძო.
Bloomberg-ის ორიგინალური სტატიის ავტორი: კრეგ ტრუდელი