Pfizer-ის მიერ შექმნილმა covid-19-ის სამკურნალო მედიკამენტმა ევროკავშირის წამლის სააგენტოს მხარდაჭერა მიიღო.
ევროპის მედიკამენტების სააგენტოს ექსპერტთა კომიტეტმა რეკომენდაცია გაუწია ანტივირუსულ პრეპარატს სახელწოდებით Paxlovid-ი. მედიკამენტი განკუთვნილია იმ პირთათვის, რომლებსაც არ სჭირდებათ დამატებითი ჟანგბადი და იმყოფებიან მძიმე დაავადების განვითარების რისკის ქვეშ, განაცხადა მარეგულირებელმა.
მარეგულირებლის ნებართვა მნიშვნელოვნად ცვლის პანდემიის მიმდინარეობას იმ ფონზე, როცა არსებობს მტკიცებულებები, რომელთა თანახმად, ომიკრონის ვარიანტის მიმდინარეობა ნაკლებად მძიმეა, ვიდრე სხვა ვარიანტების.
Paxlovid-მა 89%-ით შეამცირა ჰოსპიტალიზაციისა და სიკვდილიანობის მაჩვენებელი მაღალი რისკის მქონე პაციენტებში. Pfizer-ის ლაბორატორიულმა კვლევებმა აჩვენა, რომ მკურნალობა ეფექტურია ომიკრონის ვარიანტის წინააღმდეგ.
EMA-ს განცხადებით, ევროკომისია ავტორიზაციის მინიჭების შესახებ “გადაწყვეტილების მიღების პროცესს დააჩქარებს”.
Paxlovid-ი დიდი ბრიტანეთის მარეგულირებელმა 2021 წლის ბოლოს დაამტკიცა და პრეპარატს ასევე აქვს გადაუდებელი გამოყენების ავტორიზაცია აშშ-ში.
EMA ჯერ კიდევ განიხილავს Merck&Co-ს მედიკამენტ მოლნუპირირირს, რომელიც შეიძლება იყოს მკურნალობის კიდევ ერთი ვარიანტი ვირუსით ინფიცირებულთათვის.
Bloomberg-ის ორიგინალური სტატიის ავტორი: დეირდრე ჰიპველი