მოსკოვი და მინსკი ნატოს წინააღმდეგ თავდაცვის სფეროში თანამშრომლობას გააძლიერებენ, რადგან დასავლეთს დათმობაზე წასვლა არ სურს. განცხადება რუსეთის საგარეო საქმეთა მინისტრმა, სერგეი ლავროვმა გააკეთა.
“საგარეო პოლიტიკის ოფისების საქმიანობა მიზნად ისახავს ნებისმიერი საკითხის პოლიტიკურ-დიპლომატიური საშუალებებით მოგვარების გზების ძიებას. კოორდინირებული საგარეო პოლიტიკური მოქმედებების პროგრამა შეიცავს დებულებებს, რომლებიც ეხება სამხედრო-პოლიტიკურ ასპექტებში ურთიერთქმედების კოორდინაციასა და თავდაცვის სფეროში თანამშრომლობის განვითარებას”,- განაცხადა ლავროვმა.
მინისტრის თქმით, საკავშირო სახელმწიფოს განახლებული სამხედრო დოქტრინა, რომელიც 4 ნოემბერს დამტკიცდა, მნიშვნელოვანი მხარდაჭერა გახდება ამ საქმიანობაში.
“ეს სრულად ითვალისწინებს ბოლო წლებში აღმოსავლეთ ევროპაში მომხდარ მნიშვნელოვან ცვლილებებს სამხედრო-პოლიტიკურ ვითარებაში”,- დასძინა ლავროვმა.