2020 წლის წინასაარჩევნო კამპანიის დროს, ჯერ კიდევ პრეზიდენტობის კანდიდატი ჯო ბაიდენი რუსეთთან მიმართებაში მკაცრად პოზიციონირებდა. გავრცელებულ ინფორმაციაზე, რომ მაშინდელმა პრეზიდენტმა, დონალდ ტრამპმა უგულებელყო დაზვერვის ინფორმაცია, რომელიც ვარაუდობდა, რომ რუსეთმა გადაიხადა ჯილდოები ავღანეთში აშშ-ის ჯარისთვის, ბაიდენმა თქვა, რომ “ტრამპის მთელი პრეზიდენტობა პუტინისთვის საჩუქარი იყო”.
ბაიდენის პოზიცია ნაწილობრივ გამოწვეული იყო მისი პარტიის აკვიატებული თეორიით, რომ ტრამპმა 2016 წლის არჩევნებში რუსეთთან შეთანხმებით გაიმარჯვა. ტრამპის აუხსნელმა სიკოფანიზმმა ვლადიმერ პუტინის მიმართ, ეს ვერსია გააძლიერა. აქედან გამომდინარე, ზოგიერთი ამომრჩეველი ელოდა, რომ ბაიდენი უფრო მკაცრ პოზიციას დაიკავებდა პუტინის მიმართ, ვიდრე ტრამპი.
ჯო ბაიდენის პრეზიდენტობის თერთმეტი თვის შემდეგ, ეს უფრო რთული ხაზი ჯერ კიდევ არ გამოჩენილა. მაგალითად, უკრაინის კრიზისის დროს, ბაიდენმა პუტინს უთხრა, რომ დამანგრეველი სანქციები დაწესდება, თუ ის უკრაინის საზღვარზე კონცენტრირებულ ჯარებს შეჭრის ბრძანებას მისცემს. ამავდროულად, ბაიდენმა მიიწვია პუტინი ნატოს სამიტზე, რათა გამოეხატა უკმაყოფილება ალიანსის მიმართ, რომლის განადგურებას ცდილობს.
ბაიდენის პოლიტიკის კიდევ ერთი ასპექტი არის ის, რომ რუსეთის წინააღმდეგ იძულებითი ზომების მიღება მხოლოდ შეჭრის შემთხვევაში არის შემოთავაზებული. ეს უკრაინის საზღვარზე პუტინის მიერ დესტაბილიზაციას პრაქტიკულად თავისუფალს ხდის. ბაიდენს ჯერ არ გამოუყენებია კონგრესის მანდატი უკრაინისთვის $200 მილიონიანი სამხედრო დახმარების გასაგზავნად - მანდატი, რომელიც არსებობს მხოლოდ ასეთი სახის საგანგებო სიტუაციებისთვის. გასულ კვირას დემოკრატთა ჯგუფმა თეთრ სახლს ფონდის გამოყენებისკენ მოუწოდა.
ბაიდენის ადმინისტრაციამ ასევე უარი თქვა მნიშვნელოვანი სანქციების დაწესებაზე Nord Stream 2-ის მილსადენზე, რომელიც გვერდს აუვლის უკრაინას და მიაწოდებს გაზს უშუალოდ გერმანიას. მილსადენი ართმევს უკრაინას შემოსავლის მნიშვნელოვან წყაროს და დაცვის ბერკეტს რუსული აგრესიისგან. შეერთებულმა შტატებმა მიანიშნა, რომ ასეთი სანქციები შეჭრის შემთხვევაში იქნება გამოყენებული, მაგრამ ჯერჯერობით რუსეთს აქვს გზა პუტინის ერთ-ერთი სტრატეგიული პრიორიტეტის უზრუნველსაყოფად.
უმოქმედობამ მიიპყრო უკრაინის პრეზიდენტის, ვოლოდიმირ ზელენსკის ყურადღება. “მნიშვნელოვანია სანქციების გამოყენება კონფლიქტამდე და არა კონფლიქტის შემდეგ. თუ მათ გამოვიყენებთ კონფლიქტის დადგომის შემდეგ, ეს მათ არსებითად უაზროს გახდის”, - განუცხადა მან ჟურნალისტებს მიმდინარე კვირაში.
ბაიდენის მიდგომა რუსეთთან მისი ქცევის მოდელის ნაწილია. განვიხილოთ რუსეთის მიერ მიმდინარე წლის დასაწყისში კოლონიურ ნავთობსადენზე განხორციელებულ ჰაკერულ თავდასხმაზე რეაგირების ნაკლებობა, რამაც შეერთებულ შტატებში გაზის დეფიციტი გამოიწვია. ბაიდენმა გააფრთხილა პუტინი, რომ აშშ უპასუხებს, თუ რუსი ჰაკერები კრიტიკულ ინფრასტრუქტურას კვლავ ამოიღებენ მიზანში, მაგრამ თავად მილსადენზე თავდასხმას არ უპასუხა.
ბაიდენმა ასევე დაამშვიდა რუსეთი ავღანეთიდან აშშ-ის გაყვანის დროს. თავდაპირველად, შეერთებულ შტატებს სურდა კონტრტერორისტული კოორდინაცია ავღანეთის მეზობლებთან, როგორიცაა უზბეკეთი და ტაჯიკეთი. რუსეთმა დაავალა ამ მთავრობებს, უარი ეთქვათ შეერთებულ შტატებთან შეხვედრაზე, რის გამოც ბაიდენის ადმინისტრაციამ რუსეთთან კონტრტერორისტული პარტნიორობა განაგრძო. ეს არის პუტინის პრეტენზიის აღიარება რესპუბლიკებზე, რომლებიც ოდესღაც საბჭოთა კავშირის შემადგენლობაში იყვნენ.
ალინა პოლიოკოვამ, ევროპული პოლიტიკის ანალიზის ცენტრის პრეზიდენტმა და აღმასრულებელმა დირექტორმა მითხრა, რომ კმაყოფილი იყო ადმინისტრაციის ბოლოდროინდელი რიტორიკით, თუმცა აღმოსავლეთ ევროპაში ბევრი შოკირებულია - ბაიდენს არ აქვს ქორისებრი რიტორიკა.
“ბევრი თვალსაზრისით, ეს აჩვენებს, რომ დემოკრატების მხრიდან რუსეთის მიმართ კრიტიკის დიდი ნაწილი გამოწვეული იყო ტრამპის მიერ და არ ასახავდა პოლიტიკას”, - თქვა მან.
ეს არის პოლიტიკური კრიზისი დემოკრატებისთვის, გარდა უკრაინის სტრატეგიული კრიზისისა. ოთხი წლის განმავლობაში დემოკრატები თავს რუსეთთან დაპირისპირებულ პარტიად წარმოაჩენდნენ, განსხვავებით პრეზიდენტისგან, რომელსაც ისინი პუტინის მსახურად თვლიდნენ. მას შემდეგ რაც ბაიდენი მოვიდა ხელისუფლებაში, ადმინისტრაციამ დაასრულა მძიმე სანქციები რუსეთის მილსადენზე გერმანიაში, თავი შეიკავა რუსული ჰაკერების დასჯისგან კრიტიკულ ინფრასტრუქტურაზე თავდასხმისთვის და ახლა ცდილობს, თავიდან აიცილოს რუსეთის შეჭრა უკრაინაში მხოლოდ მუქარით.
ზოგმა შეიძლება ეს ვითარების დამშვიდებად აღიქვას. ასევე, შეიძლება ითქვას, რომ ბაიდენის პრეზიდენტობა საჩუქარი იყო ვლადიმერ პუტინისთვის.
Bloomberg-ის ორიგინალური სტატიის ავტორი: ილაი ლეიკი