ილონ მასკის Twitter-ის გამოკითხვის შემდეგ, Tesla-ს აქციების ფასი ეცემა.
მასკმა შაბათს Twitter-ის აუდიტორიას დაუსვა კითხვა, უნდა გაყიდოს თუ არა Tesla-ს აქციების 10%, რაზეც უმეტესობამ თანხმობა დააფიქსირა.
Much is made lately of unrealized gains being a means of tax avoidance, so I propose selling 10% of my Tesla stock.
— Elon Musk (@elonmusk) November 6, 2021
Do you support this?
შედეგების დაფიქსირების შემდეგ, კომპანიის აქციების ფასი წინა საბაზრო ვაჭრობაში 7,2%-ით დაეცა. პარასკევს თითო აქციის ფასი ნიუ-იორკში ბაზრის დახურვისას $1,222-ს შეადგენდა.
Twitter-ის 3,5 მილიონი მომხმარებლიდან 58%-მა თქვა, რომ მხარს უჭერს მასკის წილის გაყიდვას. მსოფლიოს უმდიდრესი ადამიანის 10%-იანი წილი Tesla-ში დაახლოებით $21 მილიარდად შეფასდება.
Bloomberg-ის ორიგინალური სტატიის ავტორი: რაიან ბინი