რუსეთი ქართული წყლების ძირითად მომხმარებლად რჩება

ქართული მინერალური და მტკნარი წყლების ძირითად მომხმარებლად ისევ რუსეთი რჩება. როგორც „ბიზნეს ფორმულას" "საქსტატიდან" აცნობეს, მიმდინარე წლის იანვარ-ივნისში საქართველომ რუსეთში $30,8 მილიონის ( 54.2 ათასი ლიტრი) მინერალური და მტკნარი წყალი გაყიდა.

$13 მილიონით გასაღების მეორე უმსხვილესი ბაზარია უკრაინა. $8.9 მილიონი დოლარით მესამე ადგილზე ლიეტუვაა. საექსპორტო ხუთეულშია ყაზახეთი ($3.1 მლნ) და ბელორუსი ($3 მლნ).

საერთო ჯამში საქართველომ 2021 წლის ექვს თვეში $66,5 მილიონი დოლარის მტკნარი და მინერალური წყლის ექსპორტი განახორციელა. გასული წლის შესაბამის პერიოდთან შედარებით ექსპორტი 34.6%-ით გაიზარდა.

მინერალური და მტკნარი წყლების უმსხვილესი ექსპორტიორები არიან:

შპს „აქვა გეო“;

შპს „საირმე მინერალ ვოთერს“;

სს „წყალი მარგებელი“;

„აიდიეს ბორჯომი საქართველო“.

(ექსპორტიორები არ არის დალაგებული რეიტინგის მიხედვით)