„ნეოპრინტმა“ საქართველოში მუყაოს იმპორტის 40% ჩაანაცვლა. როგორც „ბიზნეს ფორმულას“ საწარმოს დამფუძნებელმა არჩილ თვარაძემ განუცხადა, „ნეოპრინტი“ სხვადასხვა ზომის მუყაოს ყუთებს, პალეტებს, ტუმბუსებს, ფიჭაპანელებსა და მუყაოს დამცავ კუთხეებს რამოდენიმე ადგილობრივ სამშენებლო კომპანიასა და საწარმოს აწვდის.
„ბაზარზე 2013 წლიდან ვართ. თავდაპირველად მხოლოდ მუყაოს ქაღალდს ვუშვებდით. ახლა ყოველდღიურად 15 ტონა მაკულატურის გადამუშავებას ვახერხებთ და პროდუქცია ექსპორტზეც გაგვაქვს. საერთო ჯამში წელიწადში 10 ათას ტონამდე მაკულატურას ვამუშავებთ და 7 200 ტონამდე იმპორტს ვანაცვლებთ“,- აცხადებს თვარაძე
მისი თქმით, ყოველწლიურად სომხეთსა და აზერბაიჯანში 1 მილიონი დოლარის პროდუქცია გადის და წარმოების 80% სწორედ ექსპორტზეა ორიენტირებული.