აშშ-ის "შინაგანი შემოსავლების სამსახურის" ცნობით, "გამოძიების ფედერალური ბიურო" (FBI) ზოგიერთი უმდიდრესი ამერიკელის პირადი შემოსავლებისა და საგადასახადო მონაცემების შესახებ გაჟონილი კონფიდენციალური ინფორმაციის გამოძიებას დაიწყებს.
„გუშინ, აშშ-ის ხაზინამ განაცხადა, რომ მათ საგამოძიებო მიმართვები გაუგზავნეს თავიანთ გენერალურ ინსპექტორს, აგრეთვე FBI-სა და აშშ-ის ადვოკატთა ოფისს კოლუმბიის ოლქში. ჩვენ სრულად ვუჭერთ მხარს საგამოძიებო მოქმედებებს და მოვუწოდებთ შესაბამის ორგანოებს, კონგრესს მიაწოდონ მათ ხელთ არსებული ინფორმაცია”,- აღნიშნა აშშ-ის "შინაგანი შემოსავლების სამსახურის" მაღალჩინოსანმა.
ProPublica-ს მიერ გამოქვეყნებულ ანგარიშში ნათქვამია, რომ მსოფლიოს რამდენიმე გამოჩენილმა მილიარდერმა გარკვეულ წლებში აშშ-ის შემოსავლების სამსახურს მინიმალური საშემოსავლო გადასახადი გადაუხადა, ან საერთოდ არ გადაუხდიათ. ProPublica-ს განცხადებით, აღნიშნული ინფორმაცია მათ უცნობი პირისგან მოიპოვეს.
სტატიაში აღწერილი იყო რამდენიმე მილიარდერის საგადასახადო ვალდებულებები და შემოსავალი, მათ შორის Amazon-ის ჯეფ ბეზოსი, Tesla-ს ელონ მასკი, Bloomberg LP-ის დამფუძნებელი მაიკლ ბლუმბერგი და ინვესტორები კარლ აიკანი და ჯორჯ სოროსი. მაიკლ ბლუმბერგი არის Bloomberg News-ის მშობლიური კომპანიის Bloomberg-ის დამფუძნებელი და უდიდესი წილის მფლობელი.
Bloomberg-ის ორიგინალური სტატიის ავტორი: ლორა დევისონი