Moderna-მ აშშ-ის “სურსათისა და წამლის ადმინისტრაციას” (FDA) 12-17 წლის მოზარდებში Covid-19-ის ვაქცინის გადაუდებელი მოხმარების ნებართვის მისაღებად მიმართა.
კომპანიამ FDA-ს წარუდგინა მოზარდებში ვაქცინის კვლევის შედეგები, სადაც ვაქცინამ 100%-იანი ეფექტიანობა აჩვენა.
დამტკიცების შემთხვევაში, ის იქნება მეორე ვაქცინა, რომელიც ამ ასაკობრივ ჯგუფში აშშ-ში გამოიყენება. FDA-მ Pfizer/BioNTech-ის COVID-19-ის საწინააღმდეგო ვაქცინა 12-15 წლის ასაკის მოზარდებში გამოყენებისთვის მაისში დაამტკიცა.
Pfizer-ის ვაქცინა მოზარდებში გამოყენების დამტკიცებამდე 16 წლიდან გამოიყენებოდა, Moderna-ს ვაქცინით აცრა კი ჯერჯერობით 18 წლიდანაა ნებადართული.
აშშ-ში 12-15 წლის მოზარდები მოსახლეობის 5,3%-ს შეადგენენ. მათ აცრაზე ნებართვა მნიშვნელოვნად დააჩქარებს ვაქცინაციის პროცესს.
Pfizer/BioNTech-ი ისევე, როგორც Moderna ამჟამად 12 წლამდე ბავშვებში ვაქცინაციის შედეგებს იკვლევენ.
Bloomberg-ის ორიგინალური სტატიის ავტორი: ჯონ ლაურმანი