27 მაისს, Tesla-მ აშშ-ს საპატენტო და სავაჭრო ნიშნების ოფისში(U.S. Patent and Trademark Office), კომპანიის ლოგოს კვების ინდუსტრიაში გამოყენების შესახებ განაცხადი შეიტანა, რაც ნიშნავს რომ მასკის მიერ დაანონსებული 50-იანების სტილის ამერიკული სასადილოების ქსელი რეალობასთან ახლოსაა.
კომპანიის განაცხადები სავაჭრო ნიშანთან დაკავშირებით სარესტორნო მომსახურებას, pop-up რესტორანს, თვითმომსახურების რესტორნის მომსახურებას და take-out რესტორანს მოიცავს. განაცხადში მითითებულია, რომ Tesla აპირებს სავაჭრო ნიშნის გამოყენებას, მაგრამ ეს ჯერ არ გაუკეთებია. განაცხადის დამტკიცების შემთხვევაში, რეგისტრაცია ძალაში არ შევა, სანამ ნიშანი გამოყენებული არ იქნება.
ელონ მასკი წლების განმავლობაში საუბრობდა სამხრეთ კალიფორნიაში ტრადიციული ამერიკული სასადილოს გახსნის შესახებ. 2018 წელს მან Twitter-ზეც დაწერა, რომ დაგეგმილი იყო "ძველებური drive-in-ის, როლიკების და როკ რესტორანის გახსნა Tesla Supercharger-ის ერთ-ერთ ადგილას ".
მასკმა აპრილში დაადასტურა იდეის შესახებ პროგრესი.
Major new Supercharger station coming to Santa Monica soon! Hoping to have 50’s diner & 100 best movie clips playing too. Thanks Santa Monica city!
— Elon Musk (@elonmusk) April 2, 2021
საკვები პროდუქტების სავაჭრო ნიშანი არ არის სტანდარტული პროცედურა რესტორნების უმეტესობისთვის. ზოგადად სავაჭრო ნიშნები დადგენილია ბრენდებისთვის, რომლებიც გეგმავენ ფრენჩაიზის დაწყებას. სტივენ კამალის თქმით, რომელიც მასპინძლობის სფეროს ინვესტორია, ეს არის ნაბიჯი, რომელიც დიდი ზრდის გეგმებზე მიუთითებს.
Bloomberg-ის ორიგინალური სტატიის ავტორი: ჰანა ელიოტი