Moderna ვაქცინის სრული ავტორიზაციის მისაღებად FDA-ს მიმართავს

Bloomberg

ამერიკული ბიოტექნოლოგიური კომპანია Moderna აშშ-ის “საკვებისა და წამლის ადმინისტრაციას” (FDA) Covid-19-ის ვაქცინის სრული ავტორიზაციის მისაღებად მიმართავს. კომპანია FDA-ს მხარდამჭერ მონაცემებს უახლოეს კვირებში წარუდგენს. 

Covid-19-ის ვაქცინის სრული ავტორიზაციის მისაღებად FDA-ს კიდევ ერთმა მწარმოებელმა, Pfizer-მა 7 მაისს უკვე მიმართა. 

mRNA ტექნოლოგიაზე დაფუძნებული Moderna-სა და Pfizer-ის ვაქცინები მაღალი ეფექტიანობით გამოირჩევიან და აშშ-ის იმუნიზაციის პროცესის მთავარ საყრდენს წარმოადგენენ.

აშშ-ში Moderna-ს ვაქცინის 124 მილიონი დოზაა ადმინისტრირებული. 

FDA-ს მიერ Moderna-ს მოთხოვნის დაკმაყოფილების შემთხვევაში, ეს კომპანიისთვის პირველი დამტკიცებული პროდუქტი იქნება. Moderna ცნობილი 2018 წელს გახდა. ის მცირეშემოსავლიან დაუმტკიცებელ ბიოტექნოლოგიურ კომპანიად მიიჩნეოდა, თუმცა მიმდინარე წლის პირველ კვარტალში მისმა გაყიდვებმა $1,94 მილიარდს მიაღწია.

აშშ-ში გადაუდებელი მოხმარების ავტორიზაცია სამ ვაქცინას აქვს. ესენია Pfizer/BioNTech-ის, Johnson & Johnson-ისა და Moderna-ს ვაქცინები. გადაუდებელი ავტორიზაცია ნიშნავს, რომ ის მხოლოდ საგანაგებო მდგომარეობის გაუქმებამდე მოქმედებს და ნებისმიერ დროს შეიძლება გაუქმდეს.

FDA-მ აპრილში განმარტა, რომ ვაქცინის განხილვის პროცესი, როგორც წესი, ექვსი თვის განმავლობაში მიმდინარეობს, მაგრამ აშშ-ის მარეგულირებელი ორგანოები ცდილობენ, რომ უფრო სწრაფად იმოქმედონ.

Bloomberg-ის ორგინალური სტატიის ავტორი: ტიმოთი ანეტი