VTB ჯგუფი და მილიარდერი რომან აბრამოვიჩი რუსეთის ყველაზე პოპულარულ ვიდეო სტრიმინგის სერვისში, Ivi.ru- ში მსხვილ ინვესტიციას დებენ.
რუსეთის რიგით მეორე უმსხვილესი ბანკის, საფეხბურთო კლუბ "ჩელსის" მფლობელის და ფოლადის მილიარდერების, ალექსანდრე აბრამოვისა და ალექსანდრე ფროლოვის ინვესტიცია $250 მილიონი იქნება.
თანხა მოხმარდება შინაარსის გაფართოებას და საკუთარი წარმოების დაფინანსებას მას შემდეგ, რაც Ivi-მ შეაჩერა გეგმები თავდაპირველი საჯარო შეთავაზების შესახებ, რომელიც წლის დასაწყისში კომპანიას $1 მილიარდად აფასებდა. IPO მას შემდეგ შეჩერდა, რაც რუსმა პოლიტიკოსმა წამოაყენა საკანონმდებლო ინიციატივა შიდა სტრიმინგ სერვისებზე უცხოური მფლობელობის შეზღუდვის შესახებ.
Ivi 2010 წელს დაარსდა, როდესაც რუსების უმეტესობა პირატულ ვებ-გვერდებზე ფილმებს უფასოდ უყურებდა. TMT Consulting-ის ინფორმაციით, Ivi ქვეყნის უდიდეს სააბონენტო სერვისად გადაიქცა და ბაზარზე მისი წილი 32%-ს შეადგენს.
Bloomberg-ის ორიგინალური სტატიის ავტორი: ჯეიკ რუდნიცკი