"ჯანდაცვის მსოფლიო ორგანიზაციის" (WHO) ხელმძღვანელის თქმით, სამსახურებრივი მოვალეობის შესრულებისას, პანდემიასთან ბრძოლაში 115 000 პირი გარდაიცვალა. ამის შესახებ ტედროს ადანომ გებრეისუსმა დღეს ჯანდაცვის მსოფლიო ასამბლეის 74-ე სესიაზე სიტყვით გამოსვლისას ისაუბრა.
“ბევრი თვითონ დაინფიცირდა და მიუხედავად იმისა, რომ ინფორმაცია მწირია, ვვარაუდობთ, რომ სულ მცირე 115 000 ჯანდაცვისა და ზრუნვის მუშაკს სხვების სამსახური საკუთარი სიცოცხლის ფასად დაუჯდა”,- ამბობს გებრეისუსი.
"Many have themselves become infected, and while reporting is scant, we estimate that at least 115,000 health and care workers have paid the ultimate price in the service of others"-@DrTedros #WHA74 #SupportHealthCareWorkers
"ჯანდაცვის მსოფლიო ორგანიზაციის" ხელმძღვანელის თქმით, ექიმები გმირები არიან, თუმცა არა - სუპერგმირები. ისინი ისეთივე ადამიანები არიან, როგორც სხვები.
მან ქვეყნებს ვაქცინაციის მხარდაჭერისკენ მოუწოდა, იმისათვის, რომ სექტემბრის ბოლომდე ყველა ქვეყნის მოსახლეობის მინიმუმ 10% ვაქცინირებული იყოს, რათა წლის ბოლომდე ეს რიცხვი 30%-მდე გაიზარდოს.