მებაჟე ოფიცრებმა საბაჟო გამშვებ პუნქტში „სარფი“ 142 418.84 ლარის ღირებულების არადეკლარირებული ოქროს ნაკეთობების შემოტანის მცდელობა აღკვეთეს.
შემოსავლების სამსახურის ინფორმაციით, ეჭვის საფუძველზე, უცხო ქვეყნის მოქალაქის მართვის ქვეშ არსებული ავტომობილის დეტალური დათვალიერების შედეგად, მალულად განთავსებული, ოთხ შეფუთვად დაფასოებული, დიდი ოდენობით არადეკლარირებული ოქროს საიუველირო ნაკეთობები (ჯამში:1403.28 გრამი) იპოვეს.
საქმის მასალები, შემდგომი რეაგირების მიზნით, ფინანსთა სამინისტროს საგამოძიებო სამსახურს გადაეცა.