ეკონომიკის სამინისტროს ინფორმაციით, საქართველოსა და კატარს შორის მეზღვაურთა სერტიფიკატების ურთიერთაღიარების შესახებ ურთიერთთანამშრომლობის მემორანდუმი გაფორმდა.
თბილისის „აბრეშუმის გზის ფორუმის“ ფარგლებში, მემორანდუმს ხელი ვიცე-პრემიერმა, ეკონომიკის მინისტრმა, ლევან დავითაშვილმა და კატარის სახელმწიფოს ტრანსპორტის მინისტრმა, ჯასიმ ბინ საიფ აჰმედ ალ სულაიტმა მოაწერეს.
სამინისტროს განცხადებით, მემორანდუმის გაფორმება ხელს შეუწყობს ქართველი მეზღვაურების დასაქმებას.
აღსანიშნავია, რომ კატარი 73-ე ქვეყანაა, რომელთანაც საქართველოს მეზღვაურთა სერტიფიკატების აღიარებასთან დაკავშირებით მემორანდუმი აქვს გაფორმებული.