Galt & Taggart-ის კვირის მიმოხილვის თანახმად, 2023 წლის პირველ ნახევარში საქართველომ ტურიზმიდან 1.7 მლრდ დოლარის შემოსავალი მიიღო. წლიური ზრდა 48.8%-ია.
მხოლოდ ივნისში კი, 2022 წლის ანალოგიურ პერიოდთან შედარებით, ტურიზმის შემოსავლები 16%-ით, 350 მლნ დოლარამდე გაიზარდა.
Galt & Taggart-ის ეკონომისტმა ლაშა ქავთარაძემ მიმდინარე წლის იანვრის ბოლოს „ბიზნეს ფორმულასთან“ განაცხადა, რომ წელს ტურიზმის შემოსავლების ზრდა დაახლოებით 15%-ის ფარგლებში გაგრძელდება.