ხორვატია წელს ტურისტების რეკორდულ რაოდენობას ელოდება

ხორვატია წელს ტურისტების რეკორდულად მაღალ რაოდენობას ელოდება. ტურისტების რიცხვის ზრდის მოლოდინს ქვეყნის შენგენის ზონაში შესვლა განაპირობებს.

ტურიზმის სექტორი ხორვატიის ეკონომიკის 20%-ს შეადგენს, თუმცა იგი COVID-19-ის პანდემიის დროს მნიშვნელოვნად შემცირდა. სექტორი 2022 წელს შედარებით გაიზარდა, ხოლო წელს, მას შემდეგ, რაც 2023 წლის 1 იანვარს ხორვატია შენგენის თავისუფალი მიმოსვლის ზონაში შევიდა, ტურისტების რიცხვის მატებასთან დაკავშირებით მოლოდინი კიდევ უფრო გაიზარდა. 

2023 წლის ამ მომენტისთვის ქვეყანაში დაახლოებით 5 მილიონი შემოსვლა ფიქსირდება, რაც გასული წელთან შედარებით, 20%-ით გაზრდილი მაჩვენებელია. ამის შესახებ აცხადებს ხორვატიის ტურიზმის ასოციაცია, რომელიც მომდევნო თვეებში კიდევ უფრო მეტ მნახველს ელოდება. 

აღსანიშნავია ისიც, რომ 2022 წელს ხორვატიამ ტურიზმიდან 13 მილიარდი ევრო ($14 მილიარდი) მიიღო. მოსალოდნელია, რომ 2023 წელს ეს მაჩვენებელი მნიშვნელოვნად გაიზრდება.  

შენგენის ზონაში ხორვატია 2023 წლის 1-ელ იანვარს შევიდა.