ბრუნო მარსი საქართველოში კონცერტს 1 ოქტომბერს "დინამო არენაზე" გამართავს.
კონცერტი კამპანია Starring Georgia-ს ფარგლებში იმართება. ბილეთები 20 ივნისის 10:00 საათიდან გაიყიდება.
კონცერტი 21:00 საათზე დაიწყება, თუმცა სტადიონის კარები 17:00-ზე გაიღება.
Starring Georgia არის Black Sea Arena-ს 2-წლიანი კამპანია, რომლის მიზანი ქვეყნის პოპულარიზაცია, საქართველოს ტურისტული, ეკონომიკური და კულტურული პოტენციალის გაძლიერებაა. კამპანიის ფარგლებში, 5-დან 31 აგვისტოს ჩათვლით, თბილისში, შეკვეთილსა და სხვა ლოკაციებზე 6 კონცერტია დაგეგმილი.
ღონისძიებების ჩატარების დრო და ადგილი ცნობილია:
Nile Rodgers & Chic – 5 აგვისტო, Black Sea Arena, Front Stage;
FKJ – 6 აგვისტო, Black Sea Arena, Front Stage;
Damian Lazarus – 10 აგვისტო, The Social Space;
The Killers – 15 აგვისტო, Black Sea Arena;
All Day I Dream – 18 აგვისტო, The Social Space;
Imagine Dragons – 31 აგვისტო, Mikheil Meskhi Stadium.
პრემიერმინისტრმა, ირაკლი ღარიბაშვილმა გასულ თვეში განაცხადა, რომ ვარსკვლავების კონცერტისთვის ბიუჯეტიდან 70 მილიონი ლარი გამოიყოფა, თუმცა ქვეყანა ამ ღონისძიებებით მინიმუმ 100 მილიონის შემოსავალს მიიღებს.